සදාකාලික ලස්සන......

රනින් දිලුනත් මුදු සිනිඳු වත 
මනා නිම කල පිළිමයක් ලෙස
සේද පට පිලි වලින් සරසා
රූ සපුව නුඹේ තවත් ඔප කල

රනින් රිදියෙන් කරපු අභරණ
ගත දවටගෙන සර්ව පිත්තල
දිනෙන් දිනයට වෙනස් හැඩතල
වර්ණ සහ වැඩ දැමූ මෝස්‌තර

රටා මවමින් යනෙන මඟ නුඹ
හැරී බැලුවත් දකින හැම දෙන
ගස්සමින් නුඹ තවත් වෙර ගෙන
අඩි හත අටක් උඩින් පියමැන

දිළිසෙනා නුඹේ ඇඳුම් පැළඳුම්
දුටුවන්ගේ නෙත් බඳින හැඩ රුව
උදම් වීමට කරුණක්ද එය?
පිට ඔපය ඩැහැ ගනියි කාලය

සියළු දේ අස්ථීර ලොව තුළ
ඔය රුවත් වෙයි තාවකාලික
මහළු වී වැහැරුණු පසුව රුව
කුමන දේකට උදම් වන්නද?

නැතත් හැම නෙත් බඳින හැඩරුව
චාම් ඇදුමෙන් සරසගෙන වත
ඇතොත් ලස්සන හදවතක් සොඳ
සදාකල් නුඹ තබයි ඔසවා
ලොවම සුන්දර කරන ගතිගුණ........

Read More

අරුංගල්

                                            නිල්මිණීගේ නිවස  අසළ  මිනිස්සු  පිරී තිබෙනු දක්නට ලැබුණි. ගේ අසළ පොලිස් ජීප් රියක් නවතා තිබුණු අතර , පොලිස් නිලධාරීන් කිහිප පොලක් ගෙමිදුලෙහි සක්මන් කරනුද දක්නට ලැබුණි. කුමක් හෝ ලොකු දෙයක් සිදුවී ඇති බව ගුණපාලට පසක් විය. ගුණපාල අඩිය ඉක්මන් කරමින් නිල්මිණීගේ නිවස දෙසට පිය නගන්නට වූයේ සිදුවී ඇත්තේ කුමක්දැයි දැනගැනීම පිණිසය.නිල්මිණීගේ අතින් අල්ලාගත් පොලිස් නිලධාරීන් දෙදෙනක් ගේ ඇතුළෙන් එලියට ආවාහ.මල් මල් ගවුමකින් සැරසී සිටි නිල්මිණීගේ දෙනෙත් කඳුළින් තෙත්වී තිබෙනු ගුණපාලට දැකගත හැකිවිය. රැස්ව සිටි පිරිසට මුහුණදීමට ලැජ්ජාවෙන්දෝ ඇය සිටියේ බිම බලාගෙනමය. ඇයගේ සියුමැළි දෑත වෙලාගෙන තිබුණු මාංචු දැක ගුණපාලට තම දෑස අදහාගත නොහැකිවිය. රැස්ව සිටි පිරිස පසෙකට කල පොලිස් නිලධාරීන් දෙදෙනා නිල්මිණීව සිය රථය දෙසට කැඳවාගෙන ගියෝය. හයක් හතරක් නොතේරෙන නිල්මිණීගේ සිඟිති දියණිය හඩා වැළපෙද්දී නිල්මිණී රැගත් ජීප් රථය ගෙදරින් පිටත්විය.

                                                 ගුණපාලට නිල්මිණී කෙරෙහි සිතක් පහළ වූයේ ඇය පාසල් යන අවදියේමය. කොන්ඩ කරල් දෙකක් බැඳ සුදුගවුමින් සැරසුණු නිල්මිණී ඉතාමත් සුන්දර යුවතියක් වුවාය. දැන් තිබෙන මළානික වූ දෑස් එකළ නිල්මැණික්  සේම දිලිසෙනු ගුණපාලට මතකය. ගුණපාල මෙන්ම තවත් බොහෝ පිරිමි ළමුන් එකළ නිල්මිණී කෙරෙහි වසඟ වී සිටියෝය. නමුත් ඒ සියල්ලන්ම පරදා නිල්මිණීගේ සිත ඇදී ගියේ අජිත් වෙතය. ඒ ඔහු කඩවසම් තරුණයෙක් වූ නිසාම නොවේ, අජිත් තුළ වූ හොඳ ගතිගුණ නිසාය. අජිත් සහ නිල්මිණී බොහෝ කල් සිටම ආදරවන්තයෝ වූහ. පාසල් කාලයේ ආදරය කෙලවර වූයේ විවාහයෙනි.එකලනම් අජිත් ඉතාමත් හොඳ යහපත් ගුණගරුක පුද්ගලයෙක් විය. ඔහු නිල්මිණීට බෙහෙවින් ආදරය කළේය. නමුත් විවාහයෙන් පසුව මේ සියල්ල වෙනස්විය. අජිත් නිල්මිණීගේ දෑස් ඉදිරියේම හාත්පසින්ම වෙනස් පුද්ගලයෙක් බවට පත්වන්නට විය. ඇත්තටම ඔහු වෙනස් වූවා නොවේ , එය ඔහුගේ සැබෑ ස්වරූපයයි. ආදරය කරන කාලය තුළදී ඔහු පෙන්වා ඇත්තේ වෙස්මුහුණක් පමණකි. එම වෙස්මුහුණ තවදුරටත් පැළඳගෙන සිටීමට ඔහුට අවශ්‍යතාවක් මෙන්ම වුවමනාවක්ද නොවීය. 

                                          අජිත් හා නිල්මිණි යුගදිවියට පිවිසෙන්නේ දෙපාර්ශවයේම වැඩිහිටියන්ගේ ආශිර්වාද ඇතුව නොවේ. දෙපාර්ශවයේම වැඩිහිටියෝ මෙයට අකමැති වූ අතර ඒ සියලුම බාධා මැද්දේ ඔවුන් දෙදෙනා විවාහවිය. නමුත්  විවාහයෙන් පසුව දෙමව්පියන් තුළ තිබූ තරහව ටිකින් ටික ඉවත්ව ගියේය. පාසල් ගමන හමාර කළ නිල්මිණි සිටියේ සිය මවගේ වැඩපල වලට උදව් පදව් වෙමිනි. සරසවි වරම් ලැබීමට තරම් හොඳ ප්‍රතිපලයක් නොලැබීම එයට හේතුවයි. පාසල් දිවියට සමුදුන් පසු අජිත් ගමේ වූ ගල්පොරියේ වැඩට ගියේය. විවාහයෙන් පසු නිල්මිණී ගේ දොර වැඩකටයුතු බලා කියාගෙන ගෙදරට වී කාලය ගතකළ අතර අජිත් දිගටම ගල් පොරියේ රස්සාව කළේය. නමුත් වැඩිකල් නොගොස්ම අජිත් බීමට ඇබ්බැහි වීමත් සමඟම මේ සුන්දර කුරුළු කූඩුවට අවාසනාවේ අඳුරු සෙවනැළි  ගලා ආවේය. හැමදාම හවසට අජිත් ගෙදර ආවේ කටගොන්නක් බීගෙනය. හම්බකරනා හැම සතයක්ම පාහේ ඔහු බීම සඳහා වියදම් කළේය. එපමණක් නොව තමා බෙහෙවින්ම ආදරය කල නිල්මිණී සමඟ රණ්ඩු ඇල්ලීමට පමණක් නොව ඇයට අමානුෂික ලෙස පහරදීමට තරම්ද ඔහු කුරිරුවිය. ඔහු නිල්මිණීට වඩා අරක්කු බෝතලයට ආදරය කළේය.

                                         නමුත් නිල්මිණී මේ කරදර සියල්ලම ඉවසාගෙන සිටියේ තමාට ලැබෙන්නට සිටි දරුපැටියාගේ මුහුණ දුටු පසුවවත් අජිත් මේ නරක පුරුදු අත්හැර හොද මිනිසකු වෙවියයි යන  අපේක්ෂාවෙනි. සිය දරුවාගේ මුහුණ දුටු පසු වෙනස්වුනු බොහෝමයක් පිරිමින් ගැන නිල්මිණී පොත්වලින් කියවා තිබිණි.එමෙන්ම ටෙලිනාට්‍ය වල පමණක් නොව විවධ චිත්‍රපට වලද ඇය එවැනි දේ දැක තිබුණි. නමුත් අජිත් ඒ නිල්මිණී කියවා , අසා තිබූ පුරුෂයන් මෙන් නොවීය. දරුවා ලැබුණු පසුවද අජිත්ගේ ක්‍රියා කලාපයේ කිසිදු වෙනසක් සිදු නොවුණි. ඔහුට හැම දෙයකටම වඩා ලොකු වූයේ අරක්කු බෝතලයයි. අඩුගානේ සිය සිඟිති දියණියගේ ඕනෑ එපාකම් ගැනවත් ඔහු සොයා නොබැලුවේය.

                                          කල්යත්ම අජිත් තමා හම්බකරන හැම සතයක්ම බීම සඳහා නාස්ති කරන්නටවිය. ගෙදර කෑම බීම සඳහා අවශ්‍ය අඩුම කුඩුම වලටවත් මුදල් නිල්මිණී වෙත ලබා නොදුනේය. ඒ මදිවට හැමදාම රෑට බීගෙන විත් නිල්මිණීට නොසෑහෙන්න පහරදුන්නේය. නිල්මිණීටනම් දැන් මෙම ජීවිතය තිත්ත වී තිබුණි. සියදිවි හානිකරගැනීමට සිතුනු වාර ගණන අනන්තය. නමුත් තමන්ද නැතිවූ විට දරු පැටියාට යන කල දසාව  කුමක්ද? ඇය ජීවත් වූයේ තම සිඟිති දියණිය වෙනුවෙනි. ඇයට තිබූ ලොකුම ප්‍රශ්නය වන්නේ සිය දරුවාගේ කුස පුරවන්නේ කෙසේද යන්නයි. ඇය ඒ වෙනුවෙන් දිවා රෑ වෙහෙසුනාය. අවසානයේ ඇය අල්ලපු ගමෙහි තිබූ ගාමන්ට් එකෙහි වැඩට යාමට තීරණය කළාය. නමුත් ඇයට තිබූ ලොකුම ගැටළුව  වූයේ ඇය වැඩට ගිය පසු දියණිය බලාගන්නට කෙනෙක් නොමැති වීමයි. දැන් නිල්මිණීගේ මව සහ පියා ඔවුන් සමඟ තරහක් නැත. දියණිය ඉපදීමත් සමඟම තිබුණු සුළු සළු නොහොඳ නොක්කාඩුද පහවී ගියේය.එමනිසා දියණිය සිය මව ගාව තබා යෑමට නිල්මිණී තීරණය කළාය. උදෑසන වැඩට යෑමට පිටත්වන ඇය දියණිය සිය මවට භාරදී යන අතර හවස වැඩ හැරී එනවිට නැවතත් ගෙදරට කැඳවාගෙන එන්නීය.ආත්තම්මාද සිය මිණිබිරියට බෙහෙවින් ආදරය කළ අතර ඇයව ඉතාම කරුණාවෙන් රැක බලාගත්තාය.

                                       තමා හා අජිත් අතර කෙතරම් ආරවුල් සිදු උනද ඒවා සිය දෙමව්පියන්ගෙන් වසන් කර තබා ගැනීමට නිල්මිණී වග බලාගත්තාය. “මොකද කෙල්ලේ උඹ ගාමන්ට් යන්න හිතුවේ? ඇයි අජිත් හම්බකරන ඒවා මදිද ජීවත්වෙන්න?”  “ දැන් ඉතින් දුවෙකුත් ඉන්නවනේ අම්මේ , දුවගේ අනාගතේ ගැනත් අපි හිතන්න ඕනනේ . අජිත්ගේ පඩියෙන් හැමදේම කරන්න බැහැනේ.”

                                       අජිත්ගේ ක්‍රියා කලාපය තව තවත් නරක අතට හැරෙන්නටවිය. අතිශයින්ම බීමට ඇබ්බැහි වූ ඔහුගේ බීම සඳහා  දවසට හම්බකරන මුදලද ප්‍රමාණවත් නොවීය. කෙමෙන් කෙමෙන් දියණියද වයසින් වැඩෙන්නට විය. ඇයගේ කණ විදීම සඳහා සුදුසු කාලයද එළඹිණි. “ අජිත්, දැන් දුවගේ කණ විදින්නත් වයස හරි.” “ඉතිං ඕක මහලොකු දෙයක්ද නිල්මිණී , මිඩ්වයිෆ් නෝනා ළඟට ගියානම් පැය බාගෙන් විදගෙන එන්න පුළුවන්නේ.” “ ඒක මං දන්නවා මනුස්සයෝ , කණ විදින ඒක නෙමෙයි ප්‍රශ්නේ.” “එහෙනම් මොකද්ද?” “කණ විද්දට පස්සේ ඉතිං කෙල්ලගේ කණ පාළුවට තියන්න පුලුවනෑ, ඒකිට අරුංගල් දෙකක් අරන් දෙන්න ඕනනේ කණට දාන්න.” “රත්තරං ඒවා ගන්න කොහේ තියන සල්ලිද බන්? දැනට ඔය ඉමිටේෂන් දෙකක් දාමු. පස්සේ සල්ලි තියන දවසක බැරිය ඉතිං රත්තරං අරුංගල් ජෝඩුවක් අරන් දෙන්න.” “තමුසේ ගාව කවදද ඉතිං සල්ලි තිබුණේ, කොහෙද ඉතිං හම්බකරන තුට්ටු දෙක බොන්නම මදිනේ.” යැයි නිල්මිණීට කියන්නට සිතුනද ඇය එම වදන් තම මුවින් පිට නොකිරීමට වග බලාගත්තේය.මන්දයත් තවත් අජිත් සමඟ රණ්ඩු කිරීමට හෝ ඔහුගේ දෑතේ හයිය බැලීමට අවශ්‍යතාවයක් ඇයට නොතිබූ නිසාය.

                       තවදුරටත් අජිත් සමඟ මේ ගැන කථා කිරීමෙන් පළක් නැත. යමක් ගැන කථා කර ගැනීමට ඔහු හොද සිහියෙන් සිටින අවස්ථාවක් උදා වන්නේද බොහෝම කලාතුරකිනි. දියණියට කෙසේ හෝ අරුංගල් දෙකක් අරන් දීම නිල්මිණීගේ අභිප්‍රාය විය.මාස කිහිපයක් එකදිගට නයිට් ඩියුටි කළ ඇය අරුංගල් මිලදීගැනීමට අවශ්‍ය මුදලින් සෑහෙන ප්‍රමාණයක් සොයාගැනීමට සමත්විය. කාලයක් තිස්සේ ඇය බොහෝ අමාරුවෙන් ඉතිරි කරගන්නා ලද මුදල් ප්‍රමාණයක්ද ඇය ළඟ විය.ඒවාද එකතුකොට දියණියට රන් තෝඩු යුවලක් මිලදීගැනීමට නිල්මිණී සමත්විය. ඇය නයිට් ඩියුටි කරන කාලය තුළ දියණිය අත්තම්මාගේ නිවසෙහි නවත්වා තබනු ලැබීය. කෙසේ වෙතත් එක දිගට මාස කිහිපයක් නිදිමැරීම හේතුවෙන් ඇය දැඩිලෙස රෝගාතුරවිය. හරි හැටි කෑමක් බීමක් පවා නොමැතිව මාස ගණනක් එකදිගට මහන්සිවීම නිසා නිල්මිණීගේ ශරීරය බෙහෙවින් දුර්වල වී තිබුණු අතර ඇයට දින කිහිපයක් රෝහල්ගතවී ප්‍රතිකාර ලබාගැනීමටද සිදුවිය.එමෙන්ම සතියක් හෝ දෙකක් රැකියාවට නොගොස් විවේක ගන්නා ලෙසටද වෛද්‍යවරුන්ගෙන් උපදෙස් ලැබුණි.

                                      කාලය ගෙවී ගියේය. අජිත්ගේ බේබදුකම එන්න එන්නම උග්‍ර වන්නට විය.මේ නිසාම ඔහුගේ රැකියාව පවා අහිමිවිය. බීමට මුදල් නොමැති වූ ඔහු ගෙදර බඩුමුට්ටු පවා උකස් කරමින් මත්පැන් පානය කරන්නට විය. අවසානයේ නිල්මිණීට හොරෙන් ඇයගේ කණකර පවා උකස් කර මත්පැන් පානය කළේය.දිනක් වැඩනිමවී හවස ගෙදර එන අතරතුර නිල්මිණීට ගුණපාල හමුවිය. “නිල්මිණී නංගි, නිල්මිණී නංගි,” “ඇයි ගුණපාල අය්යේ?” ගුණපාල තම අතෙහි ගුලිකරගෙන තිබුණු දෙයක් නිල්මිණී දෙසට දිගු කළේය. “මේක නගාගෙ දුවගේ නේද?” “මොකද්ද අය්යේ?” ඇය වහාම කඩදාසි කොළයකින් ඔතා තිබුණු කුඩා දෙය විවර කර බලන්නටවිය. ඇයගේ දෑස් අදහාගැනීමටවත් නොහැකිවිය. එහි වූයේ ඇය සිය දියණියට අරන්දුන් අරුංගල් දෙකයි. “ අය්යේ, අයියට කොහෙන්ද මේක?” ඕක සිරිපාල මුදලාලිගේ කඩේ තිබුණේ නගා , මුදලාලිට කව්ද ඕක දීල රුපියල් පන්සීයක් ඉල්ලගෙන ගිහින්.” “අයිය මේක කීයටද ගත්තේ? ඉන්න මං අයියට සල්ලි දෙන්නම්.” “අනේ නෑ නෑ , දැන් සල්ලි එපා නගා. නගා ඕක තියාගන්නකෝ .පස්සේ තියන වෙලාවක කීයක්හරි ගන්න බැරිය.” සිදුවී ඇත්තේ කුමක්දැයි වටහාගැනීමට නිල්මිණීට වැඩිවෙලා ගතනොවුනි. ඇය ඒක හුස්මට නිවස බලා දිවගියේ සිරිපාල සොයාගෙනය.

                                       නිල්මිණීගේ ගෙදර අසල රැස්ව සිටි පිරිස අතරින් ගුණපාල ගේ ළඟටම කිට්ටු කර බැලුවේය. කිසිවෙකුගෙනුත් බාධාවක් නොතිබූ හෙයින් ඔහු ගේ ඇතුළට ඔලුව දැම්මේය.අජිත් ලේ විලක් මැද වැටී සිටි අතර ඔහුගේ ඇග පුරාම කැපුම් තුවාළ දක්නට ලැබුණි.පසෙකින් ලේ තැවරුණු ලොකු මන්නේ පිහියක්ද වැටී තිබෙනු දක්නට ලැබුණි.සියල්ල නඩු භාණ්ඩ ලෙස සලකුණු යොදා තිබුණු අතර ඒ අසළ පොලිස් නිලධාරින් කිහිප දෙනෙක්ම පරීක්ෂණ කටයුතු සිදුකරනු දක්නට ලැබුණි. මේ කිසිවක් නොදත් නිල්මිණීගේ පුංචි දියණිය පසෙකට වී මහා හයියෙන් හඬා වැළපෙනු දක්නට ලැබුණි. ඇය වැළපෙන්නේ සිය මව නැති සොවින්ද නැතහොත් පියා  නැති සොවින්දැයි සිතාගැනීමට නොහැකි වූ ගුණපාල දරුවාද වඩාගෙන ගෙදරින් එළියට ආවේය.

-නිමි-

Read More

කණ්නාඩිය

"අඩෝ පැණියා , ඉක්මනට වරෙන් බන් ඔය මේකප් දැම්ම ඇති , ලෙක්චර්ස් යන්න පරක්කු වෙනවා. " "හරි හරි බන් පින්නා, පොඩ්ඩක් හිටපන්කෝ , මං මේ කොන්ඩේ පීරගන්නකන්." "කොන්ඩේ පස්සේ පීරගන්න පුළුවන් යකෝ , දැන් වරෙන්කො උදේට කන්නත් ඕන." "කෑම වගේද යකෝ කොන්ඩේ , පොඩ්ඩක් හිටපන්කෝ කන එකනම් ලෙක්චර් එක ඉවරවෙලත් කරන්න පුළුවන්නේ." "රෙද්ද , බඩගින්නේ ලෙක්චර්ස් යන්න බෑ යකෝ." "මොන මගුලක්ද යකෝ තොට කන බනේමනේ උඹේ බඩේ හිගන්නෙක්වත් ඉන්නවද?" "බඩේ හිගන්නෝ ඉන්න ඕනද යකෝ උදේට කන්න? කොහෙද තොට ඉතිං කෙල්ලෙක්ට වැඩිය වෙලා යනවනේ ලෑස්තිවෙන්න. යකෝ ඔය ක්‍රීම් එක එක මූණේ අතුල්ලන්නේ  නැතුව ඔක්කොම කවලම් කරලා එකපාර මූණේ උලාගනින්කෝ. ඒක ලේසියිනෙ." "මොන මගුලක්ද යකෝ තොට පරක්කු වෙනවනම් පලයන් මං තනියම එන්නම්." "තෝ දැන්ද යකෝ කියන්නේ ඒක? මං මෙතන පැයක් විතර රස්තියාදු උනාට පස්සේ? කමක් නෑ දැන් ඉතිං ඔය ඉතුරු ක්‍රීම් ජාති තුන හතරත් උලාගෙනම වරෙන් . කෝකත් එකයි දැන් කන්න වේලාවක් නෑ." "හරි හරි පින්නා, දැන් යමන් ඒවා දැන් ගාන ඒවා නෙමෙයි බන් රෑට ගාන ක්‍රීම්." "කමක් නෑ ඒවත් ගාගෙනම වරෙන් දැන් කොහොමත් පරක්කුයිනේ." "අනේ මේ  #$%*&** යමන්." 

         කඩිමුඩියේ නුගේගොඩට දිවගිය අපි 138 බසයකට ගොඩ වැදුනෙමු. කරුමයකට මෙන් කවදාවත් නැතිව බස්රථයේ අසුනක් හිස්ව තිබූ බැවින් අපි එහි වාඩි උනෙමු. "උඹනම් මලම ඇණයක් පින්නෝ, බලපන් තෝ මට හරියට කොන්ඩේවත් පීරන්න දුන්නේ නැහැනේ." "අනේ උඹේ ඉලව් කොන්ඩේ , තෝ හින්ද මට අද නොකා නොබී තමයි ලෙක්චර්ස් යන්න වෙන්නේ." "එක වේලක් කෑවේ නෑ කියල මැරෙනවද යකෝ? ඒ වගේද බූරුවො කොන්ඩේ . ශිට් අද කෙල්ලෙක්වත් මගේ දිහා බලනෙකක් නෑ." "රෙද්ද තමා තෝ ඔය පැය ගානක් කොන්ඩේ පීරුව කියල තෝ දිහා කෙල්ලෝ බලන එකක්ය.ඔන්න කොන්ඩේ  පීරපු දවසටවත්  කෙල්ලේක් උඹ දිහා  බැලුවනම්  තව කමකුත් නෑ." "උඹ මගෙන් මුකුත් අහගන් එපා ඉතිං.කෙල්ලෝ බලන නිසා තමයි යකෝ මං මේ ලස්සනට එන්නේ. අනික ඉතිං අපිට කෙල්ලෙක් බලාගන්න කියල තින්නෙත් මේ බස් එක විතරයිනේ." "ඇයි යකෝ අර කැම්පස් එකේ ඉන්නේ ඕනතරම් කෙල්ලෝ . ගියාම බලාගනින්කෝ." "රෙද්දක් ඉන්නවා, අපේ කැම්පස් එකේ කොහෙද බන් ලස්සන කෙල්ලෝ. ඉන්න එකා දෙන්නත් ගොඩ ගිහින්නේ එන්නේ කැම්පස් එනකොට." "අඩේ ඒකනම් ඇත්ත තමයි බන් දැන් කාලේ ශිෂ්‍යත්වේ කරන කෙල්ලෙක් ගත්තත් එකිටත් කොල්ලෙක් ඉන්නවා." "ඔව් බන් පින්නා,දැන් තමා බන්  හිතෙන්නේ අර ඉන්දියාවේ කරන වැඩේ ඇති වැරද්දක් නෑ කියල." "ඒ මොකද්ද බන්?" "ඇයි බන් එහේ කෙල්ලෙක් ඉපදුනු ගමන්ම කොල්ලෝ ඒකිව බුක් කරලා තියනවනේ. පහුවෙනකොට අල්ලගන්න බැරිනිසා තමයි ඒ." "අඩේ ඒකනම් ඇත්ත තමයි නේද? තව ටික දවසක් යනකොට අපිටත් ඕක තමයි ඉතිං කරන්න වෙන්නේ." "ඔව් බන් , අඩේ බලපන් ඉතිං අද බස් එකේ ලස්සන කෙල්ලෙක්වත් නැහැනේ බල බල යන්න. අපරාදේ මං කලින් නැගිටලා ලැස්ති උනේ." "හොද වැඩේ තොට මට උදේට කන්න නැති කරාට." "අනේ බන්, මේ....... මං ටිකක් නිදියගන්නවා කැම්පස් එක ගාවදි ඇහැරවපන් පින්නා." "හා හා නිදියපන් ලස්සන කෙල්ලෝ හිටිය කියලත් ඉතිං තෝ දිහා බලන එකක්ය." "අනේ මේ පලයන් බන් යන්න මගෙන් මුකුත් අහන්නේ නැතුව."

                                         වැඩි වේලාවක් යන්නට කලින්ම පැණියාට හොදටම නින්ද ගියේය. කොහොමත් ඉතිං මේ ඉලව් පාරේ තියන ට්‍රැෆික් එකේ හැටියටනම් අපිට කැම්පස් එකට යන්න තව පැයක්වත් යාවි.ඒ වෙලාවේ ඉතිං ඌට හොඳ නින්දක් දාන්න පුළුවන්.බස් රථයේ සෙනග පිරී සිටි අතර නිදාගැනීමට අවශ්‍යතාවයක් නොවූ නිසාවෙන් මා මදක් වටපිට බැලුවෙමි. අප අසුන්ගත්තේ රියදුරු අසුනේ සිට කෙලින්ම පිටිපසින් වූ තුන්වැනි අසුනහිය. එම නිසා මට ඉදිරිපස වීදුරුවෙන් ඉදිරිය බලාගත් හැකි වූ අතර එයින් දිස් වූයේ නිමක් කොනක් නැති වාහන පෝලිමක් පමණි. ඉන්පසු මා දෙනෙත් යොමු වූයේ රියදුරු මහතාට පිටුපස බැලීම සඳහා බසයේ ඉදිරිපස සවිකර තිබූ විශාල කන්නාඩිය වෙතයි. පුදුමයකි ඒ තුළින් මා දුටුවේ රූමත් යුවතියකගේ චායාවකි. මම මදක් ඇය දෙස බලා සිටියෙමි. ඇය සැබවින්ම සුන්දර යුවතියක් වූවාය. ඇයට තිබුණේ දිගටි සුදු මුහුණකි. ඒ තුළ වූ දුඹුරු පැහැගත් පුංචි ඇස් දෙක ඇගේ මුහුණට එක් කළේ අමුතුම කාන්තියකි. ඇය ඇසිපිය හෙලන රිද්මය දෙස මම මද වේලාවක් බලා සිටියෙමි. නිල්දෙනෙතේ හා මද සිනහවේ වූ අලංකාරය දර්පණයෙන් නෙත ඉවතට ගැනීමට මට සිත් නොදුන්නාය. කන්නාඩියෙන් ඇස් ඉවතට ගත මා වටපිට බැලුවේ ඇය ඉන්නේ කොහිදැයි සොයාගැනීමටය. ඇය රියදුරු අසුන පිටුපස තිබූ පළමු අසුනේ වාඩි වී සිටිබව මට දැකගතහැකිවිය. කෙලින්ම ඇය දෙස බැලූ කල ඇගේ මුහුණ නොපෙනෙන නිසා මම නැවත වරක් කන්නාඩියට නෙත් යොමු කරගත්තෙමි.

                                           මම ඇය දෙස බොහෝ වේලාවක් බලා සිටියෙමි. ඇය ජනේලයෙන් ඉවත බලා සිටින බවක් මට දැකගත හැකිවිය. ඇයගේ දෙනෙත් එකවරම දර්පණය වෙත යොමුවෙනු මම දුටුවෙමි. ආලෝක ප්‍රතිවර්තතා නියමයට අනුව දර්පණය තුළින් මට ඇගේ දෑස දිස්වන්නේනම් නිසැකවම ඇයටද මගේ දෑස දිස්විය යුතුය. මම වහා දර්පණයෙන් නෙත ඉවතට ගෙන වෙනතක් බලා ගත්තෙමි. නමුත් ඇයගේ දෙනෙත් වෙනතකට යොමුවනතෙක් සිට නැවත දර්පණයෙන් ඇය දෙස බැලුවෙමි. නැවතත් ඇය දර්පණය දෙස බැලුවාය. මම වහා වෙනතක් බලා ගත්තෙමි. මෙසේ කිහිපවරක්ම සිදුවන්නට විය. විටෙක මා දර්පණය දෙස බලන මොහොතේම ඇයද ඒ දෙස බැලුවාය. දෙදෙනාම ලැජ්ජාවෙන් ඉවත බලාගත්තෙමු. දැන් ඉතිං ඇයද මා දෙස බලනා වග මට මනාව පැහැදිලිය. මම මේ සෙල්ලම දිගටම කරගෙන ගියෙමි. එය සැබවින්ම ඉතා විනෝදජනක විය. මං ඈ දෙස බලන් සිටින අයුරින්ම ඇයද මාගේ දෙස බලන්නට විය. විටෙක ඇයත් මාත් දෙදෙනාම එකවර බලාගෙන සිටියෙමු. ශරීරයේ ඇස් වලින් පමණක් සිදුවූ මෙම සන්නිවේදනය ඉතාමත් අපූරු එකක් විය. කෙසේ හෝ දන්නේමනැතිව බසය කැම්පස් එක ළඟටම ළඟාවී තිබුණි. පැණියාද ඇහැරවගත් මම බසයෙන් බැසගත්තෙමි.

                                          බසයෙන් බැස යන අතරමග බසයේදී සිදු වූ සියල්ලම මම පැණියාට විස්තර කළෙමි. "අඩෝ පින්නා උඹ කියන්නේ අර ඩ්‍රයිවර් සීට් එකට පිටිපස්සේ සීට් එකේ හිටිය කෙල්ල නේද? අර සුදුපාට බ්ලවුස් එකක් ඇදගෙන හිටියේ." "ඔව් ඔව් බන් ඒකි තමයි උඹ දන්නවද ඒකිව?"  එය ඇසූ පැණියා මහා හඩින් සිනාසෙන්නට විය. "මොකද හාල්පාරුවෝ තෝ හිනාවෙන්නේ? මං දැන් තොට හිනාවෙන්න දෙයක් කිව්වද?" "ඇයි බන් හරකෝ තෝ දැකල නැද්ද? ඒ හිටියේ අපේ කැම්පස් එකේ අලුත් ඉන්ස්ට්‍රක්ටර් මිස් කෙනෙක්නෙ." "මොකක්??   *&^%$##** මල හත්තිලව්වයි." "හා හා  දැන් ඉතිං කැම්පස් එකේදී ඒ මිස්ව හම්බුනාම මූණ වහගෙන පලයන්."

Read More

මිරිඟුව

වෙසක් දාට පායන හඳ

වෙනදට වඩා හරි එළියයි

ඒ එළියෙන් කඩුපුල් මල්

රන් පැළදුම් සේ බබළයි

රන් පාටයි , මුදු සුවඳයි

මද පවනේ මිහිර මවයි

කඩුපුල්මල් සුවඳ හමන

රන් පාට රන් දෙව්ලියක්

සිත් අහසේ දඟ කරයි  

නිල්මිණි නෙතු යුගට  ඇගේ

රන් සඳ කැළුමන් පැරදේ

දිමුතු දසන් පිරි සිනහව

සලිත කරයි හද මාගේ

සුදු මුහුණයි ඉඟි බිඟියයි

මගේ දෑස වශී කරයි

මෙතරම් ලස්සන කිසිදින

කිසි මලෙකත් නැහැ දුටුවේ

තාලෙට සැලෙනා ඇහිපිය

මගේ හිතට කථා කියයි

බලා හිදින්නම් ඔබ දෙස

කල්ප ගණන් වුවද ඉතිං

ඔය බැල්මේ එළිය දිගේ

මගේ හිත භාවනා කරයි

දකිනා මොහොතක් පාසා

පියවි ලොවින් බැහැරට යයි

ඔය දෑතින් අල්ලාගෙන

සරසවියේ පිය නගන්න

නිල්නේතු දෙස බලන් ඉන්න

හැමදාමත් ආසයි මම

නෙත් කැළුමන් විහිදා ඔබ

මගේ වෙලා හිනැහෙන හැටි

හැමදාමත් මම දකිනවා

මගේම වූ සිහින ලොවෙදි

පියවි ලොවේ නාවත් නුඹ

මාත් එක්ක පිය නගන්න

දිවි මග නුඹ එක්ක යන්න

ආසාවෙන් හිටියේ මම

දෛවය කළ සරදමකින්

නුඹ නාවත් මාත් එක්ක

මතු ඉපදෙන හැම බවයක

හිමි වෙන්නට පතනවා නුඹ

Read More

අම්මා........

ජීවිතයට බොහෝ දෙනා ඒවි
බොහෝ දෙනා යාවි 
නමුත් එදා මෙදා තුර ......
නොවෙනස්ව නොවඩුව ලැබුණු
එකම ආදරය
ඔබෙන් ලද ආදරයයි
මා දයාඹර අම්මේ............
මේ පදවැල් ඔබ වෙනුවෙනි.........

අඳුරු මංපෙත් විවර කරමින්
පාර කිව මන හැම දිනේ......
දුගුණ ඇත්නම් එහැම දුරලා 
සුගුණ මතුකළ මැන මගේ.....

උපදින්නටත් පෙර සිටන් මා කුස දරාගෙන ආදරෙන්
උතුම් කරුණා සිසිළ දුන්නා නුඹගේ කුස තුළ සිටියදිත් ....
කවා පොවමින් සවිය ඇත්තෙක් කළේ අපමණ සෙනෙහසින්
එහෙත් ඔබ මට ඕවා දුන්නේ උතුම් මිනිසෙක් වන ලෙසින්.....

කුසට අහරක් නැතත් ඔබහට 
රසින් මගේ කුස පුරවමින් ....
එදා නුඹ නිති කඳුළු සැලුවේ
මගේ මුවට සිනහව දෙමින්..... 

උතුම් කරුණා මෙත් උපේක්ඛා 
මාහට පැළදු අනුහසින්...
නිවන් දක්නට තවත් පින් කීම
බුදු බව ලැබේවා මිදෙමින් දුකින්....

නොනිමි සසරේ රුදුරු කතරේ
මා සැරිසරනා හැම භවේ....
මගේ මව වී මග කියනු මැන
නිවන් දක්නා තෙක් ලොවේ...

Read More

මලක අරුම

විසිරි අතු අග - හිරුට නොපෙනෙන 

සැඟව සුපිපුණු - මලක් වේනම් 

සිනිදු මල දැක - කලල් බිඟු කැල

රොන් උරන්නට - පොර බඳියි නම් 

තටුද ගැලවී - බලය වියැකුණු 

දුබල බඹරෙක් - මල දකියිනම් 

ඉතිං පල කීම - එයට පෙම් බැඳ

රොන් උරනු කෙලෙසද?

කිසිදා ලංවිය නොහැකි මලකින් 

දුබල බඹරුන් - මල දකිනමුත් 

එමල සිඹිනට - නොහැක කිසිදා

පොර බදින්නේ - කෙලෙසින්ද ඔහු

සවිය බල ඇති - සවිමත් බිඟුන් හා 

සවිය ඇත්තා - දිනයි සැමදා

සිපගනියි මල - රොන් ගනියි ඔහු

එම මලින් පසු - තවත් මලකට

සියළු මල් හිමිවේය ඔහු හට

මල් නෙළන්නට - රොන් උරන්නට 

නොහැක කිසිදා - දුබල බඹරට

ගසින් ගිලිහී - එමල වැටුනත්

දුබල බඹරෙකුගෙ - දෙපා මුලටම 

කැමති වේවිද - එමල කිසිදා 

පුදන්නට රොන් - දුබල බිඟු හට ??????

Read More

ලෝක කුසලානය හා මාලිංග

                       

වසර දහඅටකට පසුව යළිත් වරක් ලෝක කුසලානයක් සියරට ගෙන ඒමට ශ්‍රී ලංකා ක්‍රිකට් කණ්ඩායම සමත් වී තිබේ.වසර ගණනාවක් තිස්සේම ප්‍රතිවාදීන් සලිත කරවූ ලොව අංක එකේ ක්‍රිකට් කණ්ඩායමක් ලෙස තම ස්ථානය රැකගත් ශ්‍රී ලංකා කණ්ඩායම සිව් වතාවක්ම ලෝක කුසලාන අවසන් මහා තරග සඳහා සුදුසුකම් ලැබුවද කුමක් හෝ අවාසනාවක් නිසා එම කුසළාන හතරම අප අතින් ගිලිහී ගියේය.මෙවරත් පස්වන වතාවටත් ලෝක කුසළාන අවසන් තරගයකට සුදුසුකම් ලැබූ අප කණ්ඩායම මෙවරනම් නිසැකවම කුසලානය මව්බිම කරා රැගෙන එන බව අප සැම දෙනාම තරයේ විශ්වාස කළෝය.ජාත්‍යන්තර ක්‍රිකට් විස්තර විචාරකයන් නොයෙකුත් කථා කියද්දී, ඉන්දියානු තුට්ටු දෙකේ විචාරකයෝ වෙනදා මෙන්ම අසීමිත ලෙස ඉන්දියාවට ආවඩද්දී , ඒ සියළුම දුර්මත පරදා අප සිංහ පැටවුන් ලෝක ක්‍රිකට් කිරුළ තමන් සතු කරගත්තේ රසල් ආනොල්ඩ් නම් වූ නිර්භය විස්තර විචාරකයාගේ අනාවැකි පමණක් සඵල කරමිනි.

                         ගාල්ල රත්ගම ග්‍රාමයේ ඉපිද අහම්බෙන් ක්‍රිකට් ක්‍රීඩාවට අවතීර්ණ වූ ලසිත් මාලිංග අහඹුවෙන් ශ්‍රී ලංකා කණ්ඩායමේ නායකත්වයටද පත්වී ලෝක කුසලානයක් ඉසිලූ දෙවන ශ්‍රී ලාංකික නායකයා බවට පත්වීමට තරම් භාග්‍යවන්ත විය.පසුගිය වකවානුව තුළ මාලිංග ගැන බොහෝ දෙනා විවිධ කථා කීහ.ඔහු මුදල් වෙනුවෙන් පමණක් ක්‍රීඩා කරන්නෙක් බව ප්‍රකාශ කළහ.නමුත් එම සියළුම දෙනාම ලබාදිය හැකි හොදම පිළිතුර අද ඔහු ලබා දී ඇත.ඒ තම නායකත්වය යටතේ ලෝක ක්‍රිකට් කිරුළ ශ්‍රී ලංකා මව් තුරුලට ගෙනවිත් දෙමිනි.ජාතියේ ක්‍රිකට් සුරකීමේ මහා වගකීම අතටගත් ස්වර්ණවාහිනී Live @ 8 එකදිගට සතියක් මෙන් ඔහුට මඩගසනු අපි දුටුවෙමු.නමුත් ඔවුන්ද අද ඒ කිසිවක් සිදු නොවූ පරිද්දෙන් ඔහුට සුභපතන්නේ නූතන මාධ්‍ය සදාචාරය මනාව පිළිඹිඹු කරමිනි.IPL තරගාවලියෙන් මාලිංගගේ පන්දු යැවීමේ රටාව ඉන්දියානුවන් විසින් ග්‍රහණය කරගෙන ඇතැයි බොහෝ විස්තර විචාරකයෝ පැවසූහ.එම ප්‍රකාශය සනාථ කර ඉන්දියානු පිතිකරුවෝ පැවසුවේ මාලිංග තවදුරටත් තමන්ට අභියෝගයක් නොවන බවය.මේ සියල්ලම සත්‍ය අසත්‍යතාවය ලෝක කුසළාන අවසන් මහා තරගයේ අවසන්   පන්දුවාර හතර තුළදී අපට මනාව දැකගත හැකිවිය.සචින් ටෙන්ඩුල්කාගෙන් පසු ඉන්දියාවේ බිහි වූ සුපිරිම පිතිකරුවා වන කෝලිට පමණක් නොව, ලොව සිටින හොඳම ඉනිම් අවසන් කරන්නා ලෙස ඉන්දියානු විචාරකයෝ හඳුන්වාදෙනු ලැබූ මහේන්ද්‍ර සින්ග් දෝනිටද එම පන්දුවාර හතර තුළ කිසිවක් කර කියාගත නොහැකිව අසරණ වී සිටිනු අපි දුටුවෙමු.අවසන් පන්දුවාර හතරේ ලකුණු 19 පමණක් ලබාගැනීමට තරම් ඔවුන් අසරණ වූහ.ලෝකයේ සිටින විශිෂ්ටම පිතිකරණ බලඇණිය කුලේගේ හා මාලිගේ පන්දු යැවීම හමුවේ අසරණ වූයේ එසේය.තරගය අවසානයේ මාධ්‍යයට අදහස් දක්වූ කෝලිද කියා සිටියේ එවැනි ආකාරයේ පන්දු යැවීමක් හමුවේ තමාට කළහැකි දෙයක් නොතිබූ බවයි.

             සැහැල්ලු පන්දු ක්‍රිකට් ක්‍රීඩකයකු ලෙස තම ක්‍රිකට් ජීවිතය ඇරඹු ලසිත් මාලිංග අද සිටින තත්වයට ගෙන ඒමේ සම්පූර්ණ ගෞරවය හිමිවිය යුත්තේ ගාල්ල මහින්ද ව්ද්‍යාලයේ අචාර්ය වරුන් වන කීර්ති ධර්මප්‍රිය හා කෝලිත ද සිල්වා ගුරු පියාණන් වරුන්ටය.සැහැල්ලු පන්දු ක්‍රිකට් තරගයකදී මාලිංගගේ පන්දු යැවීම දුටු කීර්ති ගුරු පියාණන් ලෙදර් පන්දු ක්‍රීඩා කිරීම සඳහා ඔහුට ගාල්ල මහින්ද විද්‍යාලයට ආරාධනා කළේය.එවකට අධ්‍යාපනය ලබමින් සිටි ගාල්ල විද්‍යාලෝක විද්‍යාලයෙන් ඉවත් වූ ඔහු ගාල්ල මහින්ද  විද්‍යාලයට ඇතුළත් වූයේ ක්‍රිකට් ක්‍රීඩාව හැදෑරීමේ මූලික අරමුණෙනි.එතැන්සිට මාලිංගගේ වගකීම භාරගත් මහින්දය ඔහු මහින්දයෙන් පිටතට යවන්නේ එවකට ශ්‍රී ලංකාවේ සිටින වේගවත්ම පන්දු යවන්නා වශයෙනි.මහින්ද විද්‍යාලය වෙනුවෙන් රිච්මන්ඩ් මහින්ද ආදරවන්තයින්ගේ සටන තුන්වරක්ම නියෝජනය කළ ඔහු 2001 වසරේ හොඳම පන්දු යවන්නා බවටද පත්විය. මාගේ දිවිගමන වෙනස් කළ හැරවුම් ලක්‍ෂය මිහිඳු මාතාව වූවා සේම මාලිංගගේ දිවිය වෙනස් කළ ආශිර්වාදයද ගාල්ල මහින්දය වන්නටම ඇත.මහින්දයේ කළු රන්වන් වර්ණ පැළදීමට මා බෙහෙවින් ආශා කළා මෙන්ම එම වර්ණ පැළදීමට ඔහුද බෙහෙවින් ආශා කරන්නට ඇත.

                                             මෙතෙක් කල් ලංකාව අවසන් මහා තරග වලට සුදුසුකම් ලැබූ ලෝක කුසළාන හතරෙදීත්, මෙවර ලෝක කුසලානයෙදීත් ශ්‍රී ලංකා කණ්ඩායමේ වඩාත්ම ශක්තිමත් අංශය වූයේ පන්දු යැවීමේ අංශය යැයි බොහෝ විචාරකයෝ පවසති. එදා මෙදා තුළ එම බලඇණියේ නැතුවම බැරි ප්‍රභලතම අවිය වූයේ මාලිංගයි. මා දකින පරිදිනම් මාලිංග හා සමකල හැකි වේගපන්දු යවන්නකු වර්තමාන ක්‍රිකට් ලෝකය තුළ පහල වී නොමැත.එවැනි වූ අසමසම ක්‍රීඩකයෙක් බිහි කිරීමට තරම් මිහිඳු මාතාවන් වාසනාවන්ත වීය.එම මිහිඳු මව් තුරුළේ හැදී වැඩුණු අපිද ඔහු වෙනුවෙන්  නිහතමානීව ආඩම්බර වෙමු.මාලිංග තුළ අප සැමදා දකින නිහතමානී කමට , අවංක බවට , අව්‍යාජ බවට බොහෝ දෙනා ගරු කරති.එවැනි ක්‍රීඩකයන් බිහි කිරීම වෙනුවෙන් මිහිඳුවන් ලෙස අපිද නිරහංකාරව සතුටුවෙමු.ලොව විශිෂ්ට ක්‍රීඩකයෝ බිහිවන්නේ කලාතුරකිනි, නායකයන් බිහිවන්නේ ඊටත් වඩා කලාතුරකිනි, නමුත් ලෝක කුසලානයක් මව්බිමට හිමිකරදුන් නායකයින් සිටිනුයේ දෙදෙනෙකු පමණකි. ඉන් එක්  අයෙක් මිහිඳුවෙකු වීම පිළිබඳව අප තුළ ඇත්තේ කියාගතනොහැකි තරම් වූ සතුටකි.ඔහු පිළිබඳව අපි නිරහංකාරව සතුටු වෙමු, ආඩම්බර වෙමු.එම සතුට , ආඩම්බරය මුළු ජීවිතය පුරාවටම අපව ඉහළින් ඔසවාතබනු ඇත.

ලෝ පතළ කීර්තියෙනි වේ ජයම දින දිනා

මේ මහින්ද ශාස්ත්‍රශාලා කීර්තියෙනි වැජඹේවා...

Read More

උස පෙම්වතුන් කෙරෙහි තරුණියන් වැඩි කැමැත්තක් දක්වන්නේ ඇයි?

             බොහෝමයක් තරුණියන්  වඩාත් උස පෙම්වතුන් කෙරෙහි වැඩි කැමැත්තක් දක්වයි. මෙය විවිධ අය විවිධ ලෙස නිර්වචනය කරන අතර එයට හේතුව පුද්ගලයාගෙන් පුද්ගලයාට වෙනස් වෙයි.නමුත් තරුණියන් උස පෙම්වතුන් කෙරෙහි වැඩි කැමැත්තක් දක්වන්නේ කුමක් නිසාදැයි යන්නට නිශ්චිත හේතුවක් ගෙනහැරපෑමට නොහැක. පහත දැක්වෙන්නේ ටිකක් උසින් අඩු තරුණ වියේ පසුවන ගැහැණු ළමයෙක් මේ පිලිබඳ දක්වා ඇති අදහස් කිහිපයකි.

                                  

මාගේ පෙම්වතා උස විය යුත්තේ ඇයි?

                                 මාගේ පෙම්වතා උස අයෙකු වූ විට බොහොමයක් වාසි ඇත.ඉතාමත් වැදගත් වාසියක් වන්නේ නිවසේ වැඩ කටයුතු කරගැනීමට පහසු වීමයි.නිවසේ මකුළු දැල් කැඩීම, විදුලි පංකාව පිරිසිදු කිරීම, විදුලි බුබුළු මාරු කිරීම, වැනි ඉතා සුළු කාර්‍යයන් කිරීමට පවා බොහෝ පුද්ගලයන්ට ඉනිමගක් අවශ්‍ය වේ. නමුත් මාගේ පෙම්වතා උස අයෙකු වූ විට එවැනි සුළු කාර්‍යයන් ඉටු කිරීමට ඔහුට ඉනිමගක් අවශ්‍ය වන්නේ නැත.ඉතාමත් පහසුවෙන් එම කාර්‍යයන් සිදුකළ හැකිය. එමනිසා නිවසට ඉනිමගක් අවශ්‍ය වන්නේ නැත.ඉනිමගක් මිලදී ගැනීමට යන මුදලද ඉතිරි කරගත හැකිය.එමෙන්ම උත්සවයක් වැනි විශේෂ අවසථාවක් සඳහා සැරසිලි කිරීම ඔහුට ඉතාමත් පහසුය. එමනිසා ඕනෑම කාර්‍යයක් ඉතාමත් අඩු කාලයකින්, ඉතා හොඳින් සිදු කිරීමේ හැකියාව ඔහු උස වූ විට ඔහුට හිමි වේ.

                             එමෙන්ම බස්රථයේ ගමන් කරන විටදී බස් රථයේ සීනුව නාද කිරීමට මා උස මදි බැවින් ඔහුට එය මං වෙනුවෙන් නාද කළ හැකිය. එමනිසා කිසිදු කරදරයකින් තොරව බස් රථයේ ගමන් කළ හැකිය.නිවසේ ගෙවත්තේ හෝ වෙනත් ස්ථාන වල ඇති අඹ , පේර වැනි ගස්වලින් ඉතාමත් පහසුවෙන් ඔහුට පළතුරු කඩාගත හැකිය.එවිට වෙළඳසැලකට ගොස් පළතුරු මිලදීගැනීමට අවශ්‍ය වන්නේ නැත.එම වැයවන මුදලද ඉතිරිකරගත හැකිය.මාගේ පෙම්වතා උස අයකු වූ විට ඔහුට අශ්වයන් පැදීම ඉතාමත් පහසු කාර්‍යයක් වන්නේය. එමනිසා අශ්වයකු පැදීමේ කදිම අවස්ථාව ඔහු නිසා මටත් හිමිවන්නේය.

                            ගඟක මුහුදක හෝ පිහිනුම් තටාකයේ මා ගිලෙන්නේට ගියහොත් ඔහු පිහිනීමට නොදන්නා අයෙකු වුවත් ඔහු ඉතා උස අයෙකු බැවින් ඔහු ගිලීමේ ප්‍රවණතාවය අඩු නිසා මාව බේරාගැනීමේ හැකියාව ඔහුට ඇත.එමනිසා ඔහු සමඟ ඉන්නාවිට ඉතාමත් ආරක්ෂාකාරී හැඟීමක් ඇති වේ.සාමාන්‍යයෙන් සංගීත ප්‍රසංග නැරඹීමට ඉතා විශාල පිරිසක් පැමිණෙන නිසාත්. මා උසින් අඩු නිසාත් ඒවා නැරඹීම ඉතා අපහසුය.නමුත් මාගේ පෙම්වතා උස අයෙකු වූ විට ඔහු සමඟ සංගීත ප්‍රසංග නැරඹීමට යාමේදී අපහසුතාවයකින් තොරව ප්‍රසංගය නැරඹිය හැකිය.මෙවැනි වාසි ගණනාවක් මාගේ පෙම්වතා උස අයෙකු වූ විට හිමිවන බැවින් ඔහු උස අයෙකු වීම වඩාත් යෝග්‍ය වේ.

                                            

Read More

සිහින වලට තටු ඇවිදින්

සයුරු රැල්ල එතෙර නොවන

ක්‍ෂිතිජ ඉමෙන් එහා දිනෙක
ආසයි මට පියනගන්න
හිරු අසළින් ඔබත් එක්ක

රාස්සිගේ අව්ව වැදී
රත්පැහැ උන පුළින තලා
මතින් යන්න ආසයි මං
ඔබත් එක්ක තුරුළු වෙලා

සඳ කැන් මැද හිරුට හොරෙන්
කඩුපුල් මල් සුවඳ සොයා
අත් අල්ලන් ඉගිල්ලෙන්න
නුඹත් එක්ක සතුට සොයා

හිරු සඳු තරූ වලට හොරෙන්
නුඹ එනවිට සිහින මැදින්
සිනහ මලක් අරන් එන්න
මතක පිරුණු පියවි ලොවින්

ඉහ ඉද්දර සිනාසෙමින්
නුඹ සිටි විට මගේ ළඟින්
කියන් එපා අවදි වෙන්න
සිහින වලට තටු ඇවිදින්

Read More

ඒ කාලේ

                                                   සුපුරුදු පරිදි ආගමික වතාවත් වලින් අනතුරුව පාසළ ආරම්භ කිරීම සඳහා සීනුව නාද විය. නියමිත ස්ථාන වලින් අසුන්ගත් අපි ගුරුතුමා නම් ලකුණු කරනතෙක් බලා සිටියෙමු. නම් ලකුණු කිරීම හා බැදුණු බොහෝ සුන්දර සිදුවීම් මගේ පාසල් ජීවිතය තුළ පවතී.මමත් දමිතත් හොඳම යහළුවන් වූ නිසාදෝ අප දෙදෙනා කරන ලද බොහෝමයක් ගොන්වැඩ කරන ලද්දේ එකටමය.O/L කරන කාලයේ නම් ලකුණු කරන වෙලාවේවත් අපි පන්තියේ රැදී නොසිටියෙමු.ඒ වෙලාවට අප media unit එක බලා යන්නේ news කීමට අදාළ කටයුතු සූදානම් කිරීම සඳහාය. උදේට news කියන්නේ සතියකට දින දෙකක් පමණක් උවත් සතියේ දින පහේම නම් ලකුණු කරන වෙලාවේ අප රැදී සිටින්නේ media unit එකේය.අප පංතියේ සිටියත් නොසිටියත් අපගේ ආදරණීය පංතිභාර ගුරුතුමිය නිසැකවම අප දෙදෙනාගේ නම් වලට එක දමන්නීය.ඒ අප අනිවාර්යයෙන්ම සැමදා පාසල් එනමුත් නම් ලකුණු කරන වෙලාවේවත් පංතියේ නොසිටින බැව් ඇය හොදාකාරවම දන්නා නිසාවෙනි.එම කාලයේ අප සැමදා පාසල් ගියද පන්තිය වෙත යන්නේ දිනකට තුන් වරක් පමණි.උදෑසනම පාසලට ගිය විගසම බෑගය තැබීම සඳහා පන්තියට යයි.නැවත කෑම කෑමට  intervel එකට පන්තිය වෙත යන අතර නැවත යන්නේ පාසල නිමා වූ පසු බෑගය ගැනීම සඳහාය.අනෙක් වෙලාවට media unit , drama practice , science society , scout meetings ........කරන්නට වැඩ බොහෝ තිබුණි.

                                                      මේ period cut කිරීමට ලෙඩේ දමන ලද ගුරුවරුන්ද බොහෝ විය. ගණිතය ගුරුතුමා විසින් කිහිපවරක්ම අපේ බෑග් රැගෙනගොස් විදුහල්පතිතුමාගේ කාමරයේ තබා තිබුණි. එසේ වූ විට බෑගය ඉල්ලාගනු ලැබුවේ එතුමාට නොවදිනා වැදුම් වැදීමෙන් අනතුරුවය. කෙසේවෙතත් අඩන මූඩ් එක ඔන් කරගෙන රටේ නැති බොරු ගොඩාක් කීම මගින් එතුමාගේ හිත උණුකරගතහැකි බව අපි හොදාකාරවම දැන සිටියෙමු. අපගේ බොරු අසා බේරීම වූ තැන "උඹල හැමදාම කියන්නේ ඔය බොරුවනේ , හෙට එනකොට ගෙදරින් එක්කන් ඇවිත් බෑග් එක අරගනින් " ලෙසද කියා ඇත. එවිට වෙන බොරුවක් කෙසේ හෝ හදාගෙන බෑග් එක ඉල්ලාගනියි.මේවා ගෙදරට ආරංචි උනොත්නම් ඉතිං වසලා හමාරය.ඇත්තටම එකළ පංතියේ සිටීම මාරම කම්මැලි වැඩක් වූ අතර පංතියේ සිටීමට වේලාවක්ද අපිට නොතිබුණේය.එතරම් විශාල බාහිර වැඩ ප්‍රමාණයක් අප එම කාළය තුළ කරන ලදී.කෙසේවෙතත් පංතිභාර ගුරුතුමිය නොපැමිණි දවසටනම් අනිවාර්යෙන්ම අපි නම් ලකුණු කරන වෙලාවටද පංතියේ රැදී සිටින්නෙමු.මන්දයත් එදාට වෙනත් කව්රු හෝ ගුරුවරයෙක් නම් ලකුණු කිරීමට පැමිණෙන බැවින් අප පංතියේ නොසිටියහොත් නිසැකවම අපේ නම් වලට බින්දුව වැටෙන නිසාවෙනි.මෙලෙස අපේ ගුරුතුමිය නොපැමිණි දිනක පාසලට අලුතින් පැමිණි ගුරුවරියක් නම් ලකුණු කිරීම සඳහා අප පංතියට පැමිණෙන ලදී.

"අඩෝ දමිතය මේ මිස් අපිව අදුරන්නැහැනේ බන් අපි මිස්ට පොඩි බයිටක් දෙමුද?"

"හා .. හා .. මොකද්ද බන්?"

"උඹේ නම කියවෙන්න කලින් මට චුට්ටක් කියපන් මං උඹේ නමට present කියන්නම් උඹ මගේ නමට present කියන්නම්."

"හා .. හා.. එල එල "

                                                      අප කරන්නාවූ හොද හෝ නරක ඕනෑම වැඩකට බොක්කෙන්ම සප් එල දෙන යාළුවන් පිරිසක් එකලද සිටියහ.එක ළඟ වාඩි වී සිටි අය set එකක්ම එක එකාගේ නම් මාරු කරගෙන present කීමට පටන්ගත්හ.මේ වැඩේ දැක පංතියේ සිටි අනිත් ළමුන්ට සිනහව නතර කරගැනීමට නොහැකිවිය.බොහෝ අමාරුවෙන් සිනහව තද කරගෙන සිටියද ඉදහිට එකෙක් දෙන්නෙක්ගේ සිනහව එලිටයට පැන්නාහ.නම් ලකුණු කරන වෙලාවේ තැනින් තැන ඇසුණු සිනහ හඩ අලුතින් පැමිණි ගුරුවරියට ප්‍රේහේලිකාවක් විය.

"මොකද ළමයි මේ හිනාවෙන්නේ?"

"නෑ ........මුකුත්.... නෑ ....... මිස් "

                               කෙසේ වෙතත් අනිත් ළමුන් මෙසේ නොකලද එම ගුරුතුමිය නම් ලකුණු කිරීමට පැමිණි හැම දිනකම අප දෙදෙනා මෙම සෙල්ලම සිදු කළහ. එය කෙතරම දුර දිග ගියේද කියතොත් අප පාසලින් ඉවත්වන තෙක්ම එම ගුරුතුමිය මට දමිත කියාත් දමිතට රමේෂ් කියාත් ඇමතීම සිදුකරනලදී.

                     ඒ කාලයේ දමන ලද සෙල්ලම් දැන් ඔට්ටු නැතිසෙයකි. දැන් අපි A/L කරන වැඩිහිටි උගත් බුද්ධිමත් ළමයින් වෙමු.නම් ලකුණුකර අවසන්කරනලද ගුරුතුමා මට වැඩක්ද භාරදුන්නේය.

"රමේෂ්,ඉඩ තියන වෙලාවක මේ record book එකේ ළමයින්ගේ නම් list එක ලියල තියනවද? "

"හා.....සර් " මමද හිස සලා එම කාර්යය භාරගතිමි.

"භාරගත්තනම් තෝ තනියම ලියපිය.ඔන්න මටනම් කියන් එපා help කරන්න කියල."

"මොකද්ද බන් උඹ ඉතිං මගේ බොක්කනේ අපි මේක සහයෝගයෙන් කරමු."

                         එදින physics ගුරුතුමා පැමිණ නැති බව දැනගන්නට ලැබුනේය."ඇති යන්තම් දැන් ඉතිං ඒ period දෙකේ සින්දුවක් කියාගෙන ආතල් එකේ ඉන්න පුළුවන්. ආහ් මොන සින්දුද ඉතිං record boook එක ලියන්න තියනවනේ."

"අඩෝ මේ දමිතය වරෙන්කො බන් මේ නම්ටික ලියන්න ."

"අනේ බන් උඹ භාරගත්තනම් උඹ ලියපන්කො මොන වදයක්ද,"

"මං භාරගත්තේ නෑ යකෝ මට භාරදුන්නනේ ,මං ඉතිං බෑ කියන්නද?"

"ඔව් තොට බෑ කියන්නනේ තිබුණේ "

"ආහ් .. උඹත් වැඩක් ලැබුනම වරෙන්කො මගෙන් උදව් ඉල්ලගෙන , අනේ බන් මේ register එකේ තියන නම්ටික කියවගෙන පලයන් මං ලියන්නම්."

"හා හා කෝ දීපන් එහෙනම් උඹේ මලවදේ "

                       පංතියේ ඉදිරිපෙළ අසුනක වාඩි වී සිටි මම දොර අතරින් අප පන්තිය දෙසට පියනගන  pure ගුරුතුමාගේ චායාව දුටුවෙමි."හත්තිලව්වයි මූට මේ period දෙක releaf දාලද කොහෙද දැන් ඉතිං හදපන්කෝ ගණන් "අප සිතූ පරිදි එය එලෙසටම විය.releaf එකකට ආවත් එම වෙලාව ඉවරවෙන තුරුම ගණන් හැදවීම ඔහුගේ සිරිතයි.පංතියට ගොඩවැදුණු සැණින්ම ඔහු සෑදීම සඳහා ගණන් දෙකක් board එකේ දමන ලදී.පොතේ ගාන ලියාගත් මම කරමින් සිටි කාර්යය දිගටම කරගෙන ගියෙමි.අප සර්ගේ ටියුෂන් පන්තියටද යන නිසා සර් අප සමඟ ෂේප්ය. නමුත් සර්ගේ පංති නොයනා අයෙක් වරදක් කර අසුවුවහොත් ඔහුට බොහෝ දඬුවම් ලැබීමට සිදුවිය.releaf එකක් සඳහා පැමිණියද record boook එක අත්සන් කිරීම ප්‍රධානතම කාර්‍යයක් වූ නිසාදෝ සර් record boook එක සොයන්නටවිය.පංතියේ ඉදිරිපස පේලියේ වාඩිවී සිටි මා ළඟ record boook එක තිබෙනු සර් දුටුවේය.

"රමේෂ් , මොකද්ද මොකද්ද ඔය record boook එක තියාගෙන කරන්නේ?"

"සර්....මේ.... කටුවැඩ කරන්න ගත්තේ සර් " නොදැනුවත්වම මගේ කටින් එලියට පනිනලද එම වචනයට සර්ටද බකස් ගා සිනහ යනු මම දුටුවෙමි.

"ආහ් කටුවැඩ කරන්නේ record boook එකේද? හා..හා..."

සර් ගියපසු දමිත මා සමඟ කථාවට වැටුණි.

"අඩෝ අර කෙල්ල එදත් මං දිහා බලාගෙන හිටිය බන් "

"මොන කෙල්ලද බන්?"

"අර හසිනි බන් මං උඹට කිව්වේ ,අපේ physics class එකට එන කෙල්ල බන් "

"ආ. ඒ කෙල්ලද?"

මූට කෙල්ලෙක්ට හිත ගොස් මට මල වදේය.කොයි වෙලාවෙත් ඕක ගැනම කියවයි.මොනවා කරන්නද ඉතිං ඌටත් මේවා කියන්න වෙන කව්රුත් නැහැනේ .හොඳම යාළුවා නිසා මා මේ සියල්ල අසා සිටිය යුතුය.

"දැන් ඒකි උඹට කැමතියි වගේද?"

"ඔව් බන් නැත්නම් ඒකි කොයි වෙලාවෙත් මගේ දිහා බලන් ඉදියිද?"

මූ කියන්නේ ඇත්තය ඒකි කොයි වෙලේත් මූ දිහා බලාගත්ත ගමන්මය. try කරහොත් වැඩේ ගොඩදාගැනීමට නොහැකි නොවනු ඇත.

"මං කියන්නද ,උඹ ඒකිගෙන් කෙලින්ම අහපන් "

"මම???? අනේ බෑ බන් "

"ඔව් ඉතිං උඹ නැතුව උඹේ කෙල්ලගෙන් මං කැමතිද අහන්නද?"

"ඔව් බන් උඹ අහපන් "

"මොන රෙද්දක්ද යකෝ මං ගිහින් මට කැමතිද අහන්නද?"

"නෑ බන් උඹ ඒකිගෙන් අහපන් මට කැමතිද කියල "

"මොන ලැජ්ජනැති වැඩක්ද යකෝ ඒ, ඒකි හිතයි උඹට කොන්දක් නෑ කියල "

"ඔව් ඉතිං මට කොන්දක් නැහැනේ බන් "

"හරි බන් ඉතිං ඒක උඹයි මායි දැනගත්තට ඒකි දන්නෙ නැහැනේ."

"අනේ බන් උඹ අහපන්කෝ "

         මේ යකාගේ මල වදෙන් බේරීමක් නැත.මූට අපිටනම් ඕනදෙයක් කිවහැකිය.අනිත් උන් ඉස්සරහ මාව නෝන්ඩි කිරීමට මූට කිසි බියක් නැත.කෙල්ලන්ට උසුළු විසුළු කිරීමටද class එන කෙල්ලන්ට අනං මනං කීමටද මූට කිසි බියක් නැත.නමුත් කෙල්ලෙක්ගෙන් කැමැත්ත ඇසීමට මූට ධෛර්යයක් නැත.

"යකෝ තොට කෙල්ලෝ කොල්ලෝ ඔක්කොම බලන් ඉන්දැද්දී කෙල්ලොන්ට අනං මනං කියවන්නනම් පුළුවන් කෙල්ලෙක්ගෙන් කැමැත්ත අහන්න තමයි බැරි "

"ඒ වගේ නෙමෙයි බන් මේක ,අනං මනං කියවන කෙල්ලන්ට මං ආදරේ නැහැනේ , ආදරේ කරන කෙල්ලට ආදරේ කියන්න මට බයයි බන් "

"මොන මගුලක්ද? එහෙනම් උඹ ඕක අමතක කරලා දාපන් .කියන්න බැරිනම් "

"අනේ බන් එහෙම කියන එපා බන් මට උදව් කරපංකෝ "

"මොන රෙද්දක්ද , හා එහෙනම් මෙහෙම කරමු ඒකි class ඉවරවෙලා බස් එකට නගිනවනේ එතකොට මං ඒකි ළඟට ගිහින් කියන්නම් මෙයාට ඔයත් එක්ක කථා කරන්න ඕන කියල.එතකොට උඹ හිතේ තියන දේවල් ඔක්කොම ඒකිට කියපන් "

"අනේ බන් ,එහෙම කමක් නැද්ද? මගේ හිතේ තියන දේවල් ඔක්කොම ඒකිට කිව්වොත් රට්ටු මං ගැන මොනවා හිතයිද?"

"රට්ටු දන්නවා උඹ කුප්පය කියල ,ඒකට කමක් නෑ උඹ හිතේ තියන දේවල් ඔක්කොම කියපන්."

"එහෙම කමක් නැද්ද බන්?"

"කමක් නෑ කමක් නෑ කියපන් "

"අනේ බන් මට බයයි බන් "

"රෙද්ද බය නොවී කියපන් "

බොහම අමාරුවෙන් වැඩේ කෙරෙන විදියකට දමිතව කැමති කරගන්නා ලදී.එදා physics class දිනය විය.class එක ඉවර වුන පසු ඇය ගෙදර යාම සඳහා බසයට ගොඩවෙන ලදී.අපි දෙදෙනාද වහාම එම බසයටම ගොඩ වුනෙමු.කෙමෙන් කෙමෙන් ඇය සිටි තැනටද කිට්ටු වීමු. ඇය අප දෙස හොරෙන් හොරෙන් බලයි.මෙම අවස්ථාව උදා වනතෙක් ඇය බලා සිටියා වැනිය.ටික වේලාවක් බලා සිටි මම ඇයට කථා කළෙමි.

"හසිනි, මෙයාට ඔයාට මොනවද කියන්න තියනවලු." මගේ දිහා ලැජ්ජාවෙන් මෙන් හෙමිහිට බැලූ ඇය 

"කෝ , කාටද අනේ?" හත්තිලව්වයි කෝ යකෝ මගේ ගාව හිටපු දමිතයා ? මූ කොහේ මකබෑවුනාද, නොද්දකින් විතරක් මේ වගේ යාළුවෝ . මෙහෙම යාළුවොනම් හතුරෙකුටවත් ලැබෙන්න එපා දෙයියනේ. මූ හින්ද මං හැමදාම කෙල්ලෝ ඉස්සරහ නෝන්ඩි වෙනවා.

"නෑ ......මේ....වෙන කාටවත් නෙවෙයි අනේ මට මට. මට ඔයාට දෙයක් කියන්න තියනවා."මම කටහඬ අවදි කළෙමි.

"ආ .. මොකද්ද අනේ .. ඉතිං කියන්නකෝ " ඇය ලජ්ජාවෙන් මෙන් බිම බලාගෙන පිලිතුරුදෙන ලදී.

"මේ.....මේ......හැමදාම බස් එකේ හොරට යන්නේ නැතුව අදවත් ටිකට් ගන්නකො."

                         *********************************

මා හසිනි සමඟ කථා කරන මොහොතේ දමිතයා පිටුපසට ගොස් සෙනග අතර සැඟවී ඇත.

"මොකද්ද යකෝ ඒ කරපු කුප්ප වැඩේ? මං උඹට උදව් කරන්න ඇවිත් අර කෙල්ලෝ ඉස්සරහ නිකන් නෝන්ඩි උනානේ."

"අනේ බන් සොරි බන් , මට බය හිතුන බන් ."

"අනේ තොගේ @#%%^  &**&%$  "

Read More

කතිර යුද්ධය

කව්ද කෙනෙක් එළියේ ඉදන් තට්ටු කරනු ඇසුනි දොරට
ටක් ටක් ටක් ගෙදර කව්ද? බල්ලා එහෙම බැඳලා නේද?
ඇරලා දොර බැලුවයි මම කිහිප දෙනෙක් සිටිති පිටත
බල්ලා තාම තනිකඩයිනේ බැල්ලියෝ ඉන්නවද දන්න?

ආයුබෝවන් මහත්තයෝ කොහොමද දැන් සැප සනීප?
බැල්ලියෝනම් නෑ අපි ළඟ ආවේ ඔහෙලා බලලා යන්න
අනේ අයියේ අඳුරගන්න බැරුව ගියා නොවැ ඔහෙලව
මං අහන්නේ හිරු FM සල්ලි මල්ල ගෙනාවාද?


නෑ නෑ මල්ලියේ අපිනම් හිරු FM නෙවෙයි ඔන්න
වැරදීමක් වෙලා වගේ බැරිද අපිව අඳුරගන්න
අනේ අයියේ සමාවෙන්න ශ්‍රී  FM එකෙන් නේද?
මං අහන්නේ ශ්‍රී FM තෑගී මල්ල ලැබෙයි නේද?

ඇයි බොල බන් බූරු පුතේ මොනවද මේ උඹ කියන්නේ?
ඉලව් රේඩියෝව නොවේ වෙන වැඩකට අපි ආවේ
අනේ අයියේ ඇත්තද ඔය? රේඩියෝවකින් නෙවේද?
එයාල විතරමයි ආවේ මේ දිනවල අපි බලන්න

එයාල විතරක් නෙවේනේ අපිත් ඔන්න ආවා අද
ඔහෙලගෙ සැපදුක් බලන්න  ඉන්නවා අපි හොඳයි නේද?
අනේ ඒක ලොකු දෙයක්නේ අමාරුවෙන් අපිත් ඉන්නේ
මොකද අපිව මතක් උනේ ඇත්තට මේ හදිස්සියේ?

දන්නවානේ රටේ තත්වේ රට හදන්න අපිට ඕනේ
හොරු ටික පන්නලා දමා අපිට චන්දෙ දෙන්න ඕනේ
අනෙ අම්මේ ඒකද මේ තකහනියක් මෙහෙ  ආවේ?
මෙච්චරකල් කොහෙද හිටියේ දැන්ද අපිව මතක් උනේ?

එහෙම කියන එපා අනේ ඔහෙලා නිසයි වෙහෙස වෙන්නේ
රට හදන්න වෙහෙසුනානේ ඒකයි මෙහේ ආවේ නැත්තේ
අනේ ඒකතමයි නේද කොච්චරනම් වෙහෙසුනාද?
ඔය කාටත් අපිව මතක් වෙන්නේ චන්දෙ ලං උනාම

ඉවසුව දැන් ඇතියි නේද? බඩුමිල දැන් අහස උසට
මෙදාපාරවත් වෙනතක් බලලා රට හදමු නේද?
මොනවද ඔබ මේ කියන්නේ තියන රජය හොඳයි නේද?
බඩුමිල ඔය වැඩි උනාට රටේ පාරවල් සුපිරිය

අනේ උඹේ ඉලව් පාර කොමිස් ගහනවා ඕවට
කන්න බොන්න නැතිඋනාම පාරක් කා සිටිය හැකිද?
එහෙම කියන එපා මිතුර විදෙස් කුමන්ත්‍රණ බොහෝය
මේ වෙලාවේ අපි හැමෝම රජය එක්ක සිටිය යුතුය

මොන විදේශ කුමන්ත්‍රණද ? ඔහෙලා රැවටිලා ඕවට
බලය අතේ තියාගන්න බෝලේ  බස්සලා ඔහෙලට
බොරුනොව ඒ කිව්වේ ඇත්ත සුද්දෝ බලන් ඉන්නේ මෙදෙස
විදුලි පුටුව වෙත යන්නට සිදුවෙයි අප හැමදෙනාට

විදුලි පුටුලු කුමන්ත්‍රනලු මොනවද දැන් නෑ මේ බොරු
අපෙ රට වෙත අතදාන්න බැහැ කවදාවත් සුද්දට
ඔහෙලා මොනවා කිව්වත් දැන් යුද්දේ දිනලා දුන්නා අපට
ඒ ටික මට හොදටම ඇති මෙදා සැරෙත් දෙමි  රජයට


ඔන්න ඕකයි තත්වේ ................
මා කිසිම පක්ෂයකට කඩේ නොයනා බව කරුණාවෙන් සළකන්න 

Read More

පට්ට කෑල්ල

"අම්මටසිරි අද බස්වල පට්ට සෙනගනේ බන් seat එකක්නම් ලබෙනෙකක් නෑ ලොවෙත්."

"යකෝ උබ නිකං අද බස්වල සෙනග කියන්නේ වෙනදට සෙනග නෑ වගේනේ , කොහොමත් ඔෆිස් ටයිම් වලට මේ බස්වල සෙනඟ තමයි."

"ආහ ඔව් නේ බන් මේ බස්වල කවදත් සෙනන්ගනේ  , ඔන්න ඕකේ සෙනඟ අඩුයි වගේ නැගපන් නැගපන්."

   කඩිමුඩියේ බස්රථයට නැගගත් අපි පිටුපස ආසනයේ ඉඩ තිබූ බැවින් එහි වාඩි වීමු.

"මල්පෙතිවල  පාට ගෑවේ ඇයි සියුමැළි දෙතොලේ......., දෙතොලේ විතරක් නෙවෙයි දැන් මුන් පාට නොගාන තැනක් නැහැනේ."

"අඩේ , අර කෙල්ලගේ කොන්ඩේ කහපාට වෙලා මොකද? කහ උණ වත් හැදිලද?"

"යකෝ කහ උණ හැදුනම කොන්ඩේ කහපාට වෙනවද බූරුවො, එතකොට මූණනේ කහපාට වෙන්නේ."

"අප්පටසිරි එහෙනම් මී උණද දැන් නෑ "

"අනේ *&^$#@#%^*  තෝ අත උස්සලද කැම්පස් ආවේ?"

"නෑ බන් Z score case එක නිසා ලකුණු වැඩි උනානේ ඒකයි. මොනා උනත් හරි සීදේවි කෙල්ල නේද බන්?"

"ඔව් ඉතිං උඹටත් ඇහැට කණට පේන කෙල්ලෙක් දැක්කොත් ඉතිං සීදේවි තමා ."

බස් එකේ එන්ජිමේ ගොරහැඩි නාදයත් හතරවටෙන් ඇසුණු සියළුම ශබ්දත් පරදවමින් කොන්දා බෙරිහන් දෙන්නට විය.

"ආ පස්සෙන් සල්ලි ගන්න, පස්සෙන් සල්ලි ගන්න "

"පිස්සුද අයියේ , පස්සෙන් සල්ලි ගන්න පුලුවන්නම් අපි බස්වල යනවද, අඩෝ මේ සමිය  අද මටත් එක්ක ටිකට් ගනින්කෝ "

"පිස්සුද බන් මමත් මේ අද ඉබ්බෙක් දාන්න හැදුවේ ."

"අඩෝ ඉබ්බෝ දාන්න එපා බන් පව්සිද්ද වෙනවා.උඹත් ලබන ආත්මේ කොන්දෙක් වෙලා උපදියි."

"අනේ පල හෝතඹුවෝ යන්න එහෙනම් අපේ ඔය දේශපාලුවොන්ට මැරිලා ඉපදෙන්න තැනක් නැතුව යනවනේ "

"හරි හරි මං ගන්නම් එහෙනම් ,අයියේ කොට්ටාව දෙකක් දෙන්න ." අප දුන් රුපියල් සීය ගත් ඔහු ඉතිරි සල්ලි ලබා දුන්නේය.

"අයියේ එකපාර දෙකක් ගන්නකොට discount එහෙම දෙන්නේ නැද්ද?"

මඳ සිනහවක් පෑ කොන්දා "එතකොට අපේ පඩියටත්  discount වැටෙනවනේ මල්ලි"

"අප්පටසිරි එහෙමද? එහෙනම් එපා අයියේ." නැවතත් මඳ සිනහවක් පෑ ඔහු එතනින් ඉවත්ව ගියේය.

"අපරාදේ යකෝ සල්ලි දුන්නේ අරූ ටිකට් දුන්නෙත් නෑ."

"ආ ඒකට අව්ලක් නෑ උඹනේ සල්ලි දුන්නේ "

"නොදකින් විතරක් හාල්පාරුවා ආයෙනම් තොටත් එක්ක සල්ලි දෙන්නේ නෑ "

      වෙනදා පුරුදු ලෙසම බස් එක විනාඩියක් ගමන්කර පැයබාගයක් නතර කරගෙන සිටියි.

"මේකට highlevel road කියනවත්තේ vip අයට විතරක් වේගෙන් යන්න පුළුවන් නිසා වෙනනැති නේ බන් ."

"සිරාවට බන් vip කාරයෝන්ටයි ambulance එකකටයි ඇරුනම වෙන වාහනේකට මේ පාරේ පයින් යනවට වඩා වේගෙන් යන්න බැහැනේ."

"ශික් විතරක් මේ රෙද්දේ අඩියෙන් අඩියට traffic නේ බන් පයින් ගියානම් මීට කලින් යන්න පුළුවන්."

"අඩෝ සමියා මං ටිකක් නිදියගන්නවා කොට්ටාවේදී ඇහැරවපන්."

ටිකක් ඇහැ පියාගත් මට වැඩිවෙලාවක් නිදාගැනීමට අවකාශ නොලැබුණි.ඩ්‍රයිවර් අයියා ගැසූ බ්රේක් පාරට දඩෝන් ගා මගේ ඔළුව ඉදිරිපස ඇසුණේ හැපුණි.

"ඩ්‍රයිවර් අයියාට ලයිසන් දීපු එකා විතරක් නෙවෙයි  අම්මා තාත්තා ඇතුළු හත්මුතු පරම්පරාවම බුදුවෙන්න ඕන ඒ බ්රේක් පාරටනම්. "

"ඇයි යකෝ මෙහෙමත් බ්රේක් ගහනවද?"

කවුරුවත් දකින්න ඇත්දෝයි හොරෙන් වටපිට බැලූ මම හෙමිහිට ඔළුව අතගාගත්තෙමි.

"මලා කවුරුත් දැක්කේ නෑ කියල හිතුවට අරකි දැකලා වගේ.. "

බස් එක තුළ හිටගෙන සිටි  ලස්සන කෙල්ලෙක් මා දිහා බලා සමච්චලයට මෙන් සිනාසෙනු දුටුවෙමි. "හත්තිලව්වයි දැන් ඉතිං අයෙමත් නිදාගන්න වෙන් නෑ , බැරිවෙලාවත් ඩ්‍රයිවර් අයියා ආයෙම බ්රේක් ගහනහැටි පුරුදුවෙන්න ගත්තොත්. ශික් වස නෝන්ඩියක් තමා උනේ ,ලස්සන කෙල්ලෙක් බලන් ඉන්න වෙලාවකටමනේ අපිටත් නින්දයන්නේ." මොනා උනත් ලස්සන කෙල්ලෙක්ය .දැන් මෙකි දිහා බලන්සිටිය හැකි නිසා නිදාගැනීමට අවශ්‍යතාවයක් නොමැත.

                         මම ඇය දෙස මද වේලාවක් බලාගෙන සිටියෙමි.ඇත්තටම ඇය ඉතා සුන්දර යුවතියකි.අපේ භාෂාවෙන් කියයිනම් පට්ටම කෑල්ලකි. මම ටික වේලාවක් එකදිගට ඇය දෙස බලා සිටියෙමි.කවුළුවෙන ඈත බලාසිටි ඇයගේ නෙතෙහි කළු ඉංගිරියාව ක්‍රමයෙන් මා සිටි දෙසට යොමුවනු දුටුවෙමි.මම වහාම වෙනත් අතක් බලාගත්තෙමි. ඈ වරින්වර හොරෙන් හොරෙන් මා දෙස බලනු මම දුටුවෙමි.මා වෙනත් පැත්තක් බලා සිටින වෙලාවල්වලදී ඇය එකදිගට මා දෙස බලා සිටියාය.මා එම දිසාවට හැරෙත්ම ඇය නැවතත් කව්ළුවෙන් අනන්තය බලන්නීය.මමද ඇගේ ඇස නොගැටෙන හැම විටකම ඈ දෙස බැලුවෙමි. ඇය මා දෙස හොරෙන් බලනු දැකීමෙන් මා විශාල වින්දනයක් ලැබුවෙමි.ඇයට මා දිහා බලන්නට ඉඩ සලසා මා බොහෝ වේලාවක් වෙනත් දෙසක් බලා සිටියේය. දෙදෙනාට දෙදෙනා අසුවුන විටදී මටමෙන් ඇයටද සිනහ පහළවිය.

 "මගේ ළඟ වාඩිවී සිටින එකා කණමදයා වගේ නිදිය.මාරු එකාටනේ මං මාව නැගිට්ටන්න කියල කිව්වේ. සමියාට ඩ්‍රයිවර් අයියාගේ මුස්පේත්තු බ්රේක් පහරටවත් ඇහැරුනේනම් නැත."

"අඩෝ සමිය නැගිටපන් යකෝ "

"ආහ.. ආහ.. අම්මටසිරි කොට්ටාවටත් ආවද බන් ,බහිමු බහිමු." තම බෑගය අතටගත් ඔහු හුනස්නෙන් නැගිට්ටේ බසයෙන් බැසීමටය.

"නෑ නෑ බන් තාම කොට්ටාවට ආවේ නෑ , කොට්ටාවට තව ගොඩක් දුරයි."

"එහෙනම් මොකටද පොල් බූරුවො මාව නැගිට්ටුවේ?  උඹේ %^$##**&%%" 

"ඇයි යකෝ මං තොට නේද මාව කොට්ටාවේදී ඇහැරවන්න කිව්වේ? දැන් උඹත් ඔහොම කණමදය වගේ නිදියගත්තම කව්ද යකෝ අපිව ඇහැරවන්නේ."

"හරි හරි බන් මේ බස් එක කොට්ටාවට විතරයිනේ යන්නේ ,කොන්ද අපිව ඇහැරවයි."

"හා හා ඒකට නෙවයි බොල මං තෝව ඇහැරෙව්වේ වෙන වැඩකට."

"ඒ මක්කටද බොල? මං ලස්සන හීනෙකුත් දැක දැක හිටියේ. Selena Gomez ඇවිත් මගෙන් කැමතිද කියල ඇහුව විතරයි, හෙනයක් ගැහුවා වගේ තෝ මාව ඇහැරෙව්වනේ ,නොදකින් විතරක් මූකලන්බස්ස"

"තෝ ඒ ඩිංගට හීනෙකුත් දැක්කද බොල?"

"ඔව් බන් ශික් අපරාදේ තෝ නිසා මට ඒකිට හා කියන්නත් බැරි උනා."

"එකනෙවේ යකෝ  බලපන් Selena Gomez වගේද අරය කියල." මම බලමින් සිටි කෙල්ලව සමියාට පෙන්නුවෙමි.

"අෆ්ෆටසිරි පට්ට කෑල්ල නේ බන් , ඔන්න මං තමයි මුලින් දැක්කේ .උඹ එහෙම එන්න එපා මේකට ලයින් කරන්න."

"ඇයි බොල හිවලෝ තෝ ඒකිව මට කලින් දැක්කේ හීනෙන්ද? මංනේ දැන් තොට ඒකිව පෙන්නුවේ.තෝ ආයෙම නිදාගෙන අර  උඹේ Selena Gomez ට හා කියපිය."

"ඒ කථා අදාළ නෑ එයා මගේ එච්චරයි."

"හාහ්... හා .. පලඩෝ යන්න , උඹ නිදාගත්තටිකේ මං ඒකිට ලයින් පාර දැම්ම දැන් ඒකි මං දිහා හොරෙන් හොරෙන් බලනවා."

"පල පල , කව්ද දන්නේ එකී බැලුවේ නිදාගෙන හිටිය මං දිහාද කියල .අපේ අම්මත් කියනවා නින්දගියාම මං හරි ලස්සනයි කියල."

"ඔව් ඉතිං උනහපුළුවටත් උගේ පැටිය මැණිකක්ලුනේ "

"මොනාද චමිලයෝ උඹ මුමුණන්නේ?"

"නෑ බන් මං මේ අහන්න ගියේ ඒක නිසාද උඹ කොයිවෙලත් නිදියන්නේ කියල ."

"ඒකනිසා නෙවෙයි යකෝ කොයිවෙලෙත් නිදියන්නේ නිදිමත නිසා."

"ඒක නෙවේ බන් සමියෝ එකිත් මං දිහා හොරෙන් හොරෙන් බලනවා. මාත් ටික ටික බැලුව. වැඩේ හරි වගේ බන් "

"උඹට පිස්සුද බන් ? එහෙම කෙල්ලෙක් බලපු පලියට කොහොමද බන් කැමතියි කියල හිතන්නේ? දැන් හැදෙන කෙල්ලොත් අපි වගේම තමා .දකින දකින හැම කොල්ල දිහාම බලනවා."

"හරි හරි බන් මෙකි එහෙම නෙවෙයි.බලපංකො සීදේවි කෙල්ල බන්."

"හරි හරි උඹ දැන් මොකද්ද කරන්න යන්නේ?"

"මං ඒකිට නම්බර් එක දෙනවා."

"ඉතිං දීපන් ,"

"හිටපන් මං කොලයක් ගන්නකම්. වැදගත් නොම්මරනේ බන් මේවා, නොම්මරේ දැක්ක ගමන් කෙල්ල කැමතිවෙනවා."

"ඔව් ඔව් බලන් හිටපන් කෙල්ල කමතිවෙනකම්.මතක ඇතුව උඹේ නමත් ලියපන් චමිල කියල."

"චමිල විතරක් නෙවෙයි බන් චමිල ගුණවර්ධන කියලම ලිව්වා. දැන් කොහොමද ඒකිට මේක දෙන්නේ...."

"නැගිටලා ගිහින් දීල වරෙන් "

"එහෙම දෙන්නත් බැහැනේ "

     මගේ වාසනාවට මෙන් වයසක ආච්චි කෙනෙක් බසයට ගොඩවැදුනි. මම වහාම නැගිට ඇය වෙත මාගේ අසුන පිරිනැමුවෙමි. 

"ඕනේ නෑ පුතේ මං ඊළඟ හෝල්ට් එකේ බහිනවා." නොදකින් විතරක් මේ ගෑනිට සීට් එක දුන්නමත් එපාලුනේ.

"කමක් නෑ ආච්චි වාඩිවෙන්න , ඔය වයසට ටික දුරක් උනත් හිටගෙන යන්න හොඳ නෑ."

කෙසේ හෝ ආච්චීව මගේ ඇසුණේ වාඩිකල මම නැගී සිටියෙමි.එක්වරම ඇය ළඟට ගොස් සිටගැනීම සුදුසු නැත.ටිකෙන් ටික ඇය සිටින දෙසට පිය නැගූ මම බස් හෝල්ට් තුනකට පමණ පසුව ඇය සිටි තැනට යාමට සමත් වුනෙමි.දැන් ඇය බිම බලාගෙනම සිටියි. මා දෙස නිකමටවත් නොබලයි.ටිකක් වෙලා බලාසිටි මම ඇයට තට්ටුවක් දැමුවෙමි.

"ආ නංගි," දෙකට තුනට නැමූ නොම්මරය ලියනලද කොලය මා ඈ දෙසට දිගු කළෙමි.

"මේ මොකද්ද අයිය?"

"ආපදා කළමනාකරණ අමාත්‍යංශේ නම්බර් එක නංගි , හදිස්සියක් උනොත් කථා කරන්න."

මඳ සිනහවකින් මා දෙස බැලූ ඇය සිනහවෙමින්ම කඩදාසි කොලය හෑන්ඩ් බෑගය තුළට දමාගත්තාය.

   ඇගෙන් දුරකථන ඇමතුමක් බලාපොරොත්තුවෙන් මම දින දෙකක් පමණ බලා සිටියෙමි.දින දෙකකට පසු නොදන්නා නොම්මරයකින් දුරකථන ඇමතුමක් ලැබුණි.මෙය නම් අනිවාර්යයෙන්ම ඇයගෙන් විය යුතුය. මම ඉහවහාගිය සතුටකින් යුක්තව එම ඇමතුම පිළිගත්තෙමි.

"හෙලෝ මේ චමිල ගුණවර්ධන අයියද කථා කරන්නේ?"

"ඔව් මම චමිල තමයි කියන්න "

"තොට ලජ්ජා නැද්ද යකෝ දකින දකින කෙල්ලන්ට ෆෝන් නම්බර් දෙන්න . මීටපස්සේ තෝ මගේ කෑල්ලට ලයින් කරලා අහුවුනොත් තෝව පණපිටින් දිව්‍යලෝකේ යවනවා දැනගනින්. උලමා, තෝ &^#^$#@#$^#@....................................."

රජයේ අවවාදයයි : කෙල්ලන් බැලීම හෘදයාබාධ ඇති කරයි.

Read More