Friday 21 February 2014

පට්ට කෑල්ල




"අම්මටසිරි අද බස්වල පට්ට සෙනගනේ බන් seat එකක්නම් ලබෙනෙකක් නෑ ලොවෙත්."
"යකෝ උබ නිකං අද බස්වල සෙනග කියන්නේ වෙනදට සෙනග නෑ වගේනේ , කොහොමත් ඔෆිස් ටයිම් වලට මේ බස්වල සෙනඟ තමයි."
"ආහ ඔව් නේ බන් මේ බස්වල කවදත් සෙනන්ගනේ  , ඔන්න ඕකේ සෙනඟ අඩුයි වගේ නැගපන් නැගපන්."
   කඩිමුඩියේ බස්රථයට නැගගත් අපි පිටුපස ආසනයේ ඉඩ තිබූ බැවින් එහි වාඩි වීමු.
"මල්පෙතිවල  පාට ගෑවේ ඇයි සියුමැළි දෙතොලේ......., දෙතොලේ විතරක් නෙවෙයි දැන් මුන් පාට නොගාන තැනක් නැහැනේ."
"අඩේ , අර කෙල්ලගේ කොන්ඩේ කහපාට වෙලා මොකද? කහ උණ වත් හැදිලද?"
"යකෝ කහ උණ හැදුනම කොන්ඩේ කහපාට වෙනවද බූරුවො, එතකොට මූණනේ කහපාට වෙන්නේ."
"අප්පටසිරි එහෙනම් මී උණද දැන් නෑ "
"අනේ *&^$#@#%^*  තෝ අත උස්සලද කැම්පස් ආවේ?"
"නෑ බන් Z score case එක නිසා ලකුණු වැඩි උනානේ ඒකයි. මොනා උනත් හරි සීදේවි කෙල්ල නේද බන්?"
"ඔව් ඉතිං උඹටත් ඇහැට කණට පේන කෙල්ලෙක් දැක්කොත් ඉතිං සීදේවි තමා ."


බස් එකේ එන්ජිමේ ගොරහැඩි නාදයත් හතරවටෙන් ඇසුණු සියළුම ශබ්දත් පරදවමින් කොන්දා බෙරිහන් දෙන්නට විය.
"ආ පස්සෙන් සල්ලි ගන්න, පස්සෙන් සල්ලි ගන්න "
"පිස්සුද අයියේ , පස්සෙන් සල්ලි ගන්න පුලුවන්නම් අපි බස්වල යනවද, අඩෝ මේ සමිය  අද මටත් එක්ක ටිකට් ගනින්කෝ "
"පිස්සුද බන් මමත් මේ අද ඉබ්බෙක් දාන්න හැදුවේ ."
"අඩෝ ඉබ්බෝ දාන්න එපා බන් පව්සිද්ද වෙනවා.උඹත් ලබන ආත්මේ කොන්දෙක් වෙලා උපදියි."
"අනේ පල හෝතඹුවෝ යන්න එහෙනම් අපේ ඔය දේශපාලුවොන්ට මැරිලා ඉපදෙන්න තැනක් නැතුව යනවනේ "
"හරි හරි මං ගන්නම් එහෙනම් ,අයියේ කොට්ටාව දෙකක් දෙන්න ." අප දුන් රුපියල් සීය ගත් ඔහු ඉතිරි සල්ලි ලබා දුන්නේය.
"අයියේ එකපාර දෙකක් ගන්නකොට discount එහෙම දෙන්නේ නැද්ද?"
මඳ සිනහවක් පෑ කොන්දා "එතකොට අපේ පඩියටත්  discount වැටෙනවනේ මල්ලි"
"අප්පටසිරි එහෙමද? එහෙනම් එපා අයියේ." නැවතත් මඳ සිනහවක් පෑ ඔහු එතනින් ඉවත්ව ගියේය.
"අපරාදේ යකෝ සල්ලි දුන්නේ අරූ ටිකට් දුන්නෙත් නෑ."
"ආ ඒකට අව්ලක් නෑ උඹනේ සල්ලි දුන්නේ "
"නොදකින් විතරක් හාල්පාරුවා ආයෙනම් තොටත් එක්ක සල්ලි දෙන්නේ නෑ "
      වෙනදා පුරුදු ලෙසම බස් එක විනාඩියක් ගමන්කර පැයබාගයක් නතර කරගෙන සිටියි.
"මේකට highlevel road කියනවත්තේ vip අයට විතරක් වේගෙන් යන්න පුළුවන් නිසා වෙනනැති නේ බන් ."
"සිරාවට බන් vip කාරයෝන්ටයි ambulance එකකටයි ඇරුනම වෙන වාහනේකට මේ පාරේ පයින් යනවට වඩා වේගෙන් යන්න බැහැනේ."
"ශික් විතරක් මේ රෙද්දේ අඩියෙන් අඩියට traffic නේ බන් පයින් ගියානම් මීට කලින් යන්න පුළුවන්."
"අඩෝ සමියා මං ටිකක් නිදියගන්නවා කොට්ටාවේදී ඇහැරවපන්."
ටිකක් ඇහැ පියාගත් මට වැඩිවෙලාවක් නිදාගැනීමට අවකාශ නොලැබුණි.ඩ්‍රයිවර් අයියා ගැසූ බ්රේක් පාරට දඩෝන් ගා මගේ ඔළුව ඉදිරිපස ඇසුණේ හැපුණි.
"ඩ්‍රයිවර් අයියාට ලයිසන් දීපු එකා විතරක් නෙවෙයි  අම්මා තාත්තා ඇතුළු හත්මුතු පරම්පරාවම බුදුවෙන්න ඕන ඒ බ්රේක් පාරටනම්. "
"ඇයි යකෝ මෙහෙමත් බ්රේක් ගහනවද?"
කවුරුවත් දකින්න ඇත්දෝයි හොරෙන් වටපිට බැලූ මම හෙමිහිට ඔළුව අතගාගත්තෙමි.
"මලා කවුරුත් දැක්කේ නෑ කියල හිතුවට අරකි දැකලා වගේ.. "
බස් එක තුළ හිටගෙන සිටි  ලස්සන කෙල්ලෙක් මා දිහා බලා සමච්චලයට මෙන් සිනාසෙනු දුටුවෙමි. "හත්තිලව්වයි දැන් ඉතිං අයෙමත් නිදාගන්න වෙන් නෑ , බැරිවෙලාවත් ඩ්‍රයිවර් අයියා ආයෙම බ්රේක් ගහනහැටි පුරුදුවෙන්න ගත්තොත්. ශික් වස නෝන්ඩියක් තමා උනේ ,ලස්සන කෙල්ලෙක් බලන් ඉන්න වෙලාවකටමනේ අපිටත් නින්දයන්නේ." මොනා උනත් ලස්සන කෙල්ලෙක්ය .දැන් මෙකි දිහා බලන්සිටිය හැකි නිසා නිදාගැනීමට අවශ්‍යතාවයක් නොමැත.
                         මම ඇය දෙස මද වේලාවක් බලාගෙන සිටියෙමි.ඇත්තටම ඇය ඉතා සුන්දර යුවතියකි.අපේ භාෂාවෙන් කියයිනම් පට්ටම කෑල්ලකි. මම ටික වේලාවක් එකදිගට ඇය දෙස බලා සිටියෙමි.කවුළුවෙන ඈත බලාසිටි ඇයගේ නෙතෙහි කළු ඉංගිරියාව ක්‍රමයෙන් මා සිටි දෙසට යොමුවනු දුටුවෙමි.මම වහාම වෙනත් අතක් බලාගත්තෙමි. ඈ වරින්වර හොරෙන් හොරෙන් මා දෙස බලනු මම දුටුවෙමි.මා වෙනත් පැත්තක් බලා සිටින වෙලාවල්වලදී ඇය එකදිගට මා දෙස බලා සිටියාය.මා එම දිසාවට හැරෙත්ම ඇය නැවතත් කව්ළුවෙන් අනන්තය බලන්නීය.මමද ඇගේ ඇස නොගැටෙන හැම විටකම ඈ දෙස බැලුවෙමි. ඇය මා දෙස හොරෙන් බලනු දැකීමෙන් මා විශාල වින්දනයක් ලැබුවෙමි.ඇයට මා දිහා බලන්නට ඉඩ සලසා මා බොහෝ වේලාවක් වෙනත් දෙසක් බලා සිටියේය. දෙදෙනාට දෙදෙනා අසුවුන විටදී මටමෙන් ඇයටද සිනහ පහළවිය.

 "මගේ ළඟ වාඩිවී සිටින එකා කණමදයා වගේ නිදිය.මාරු එකාටනේ මං මාව නැගිට්ටන්න කියල කිව්වේ. සමියාට ඩ්‍රයිවර් අයියාගේ මුස්පේත්තු බ්රේක් පහරටවත් ඇහැරුනේනම් නැත."
"අඩෝ සමිය නැගිටපන් යකෝ "
"ආහ.. ආහ.. අම්මටසිරි කොට්ටාවටත් ආවද බන් ,බහිමු බහිමු." තම බෑගය අතටගත් ඔහු හුනස්නෙන් නැගිට්ටේ බසයෙන් බැසීමටය.
"නෑ නෑ බන් තාම කොට්ටාවට ආවේ නෑ , කොට්ටාවට තව ගොඩක් දුරයි."
"එහෙනම් මොකටද පොල් බූරුවො මාව නැගිට්ටුවේ?  උඹේ %^$##**&%%" 
"ඇයි යකෝ මං තොට නේද මාව කොට්ටාවේදී ඇහැරවන්න කිව්වේ? දැන් උඹත් ඔහොම කණමදය වගේ නිදියගත්තම කව්ද යකෝ අපිව ඇහැරවන්නේ."
"හරි හරි බන් මේ බස් එක කොට්ටාවට විතරයිනේ යන්නේ ,කොන්ද අපිව ඇහැරවයි."
"හා හා ඒකට නෙවයි බොල මං තෝව ඇහැරෙව්වේ වෙන වැඩකට."
"ඒ මක්කටද බොල? මං ලස්සන හීනෙකුත් දැක දැක හිටියේ. Selena Gomez ඇවිත් මගෙන් කැමතිද කියල ඇහුව විතරයි, හෙනයක් ගැහුවා වගේ තෝ මාව ඇහැරෙව්වනේ ,නොදකින් විතරක් මූකලන්බස්ස"
"තෝ ඒ ඩිංගට හීනෙකුත් දැක්කද බොල?"
"ඔව් බන් ශික් අපරාදේ තෝ නිසා මට ඒකිට හා කියන්නත් බැරි උනා."
"එකනෙවේ යකෝ  බලපන් Selena Gomez වගේද අරය කියල." මම බලමින් සිටි කෙල්ලව සමියාට පෙන්නුවෙමි.
"අෆ්ෆටසිරි පට්ට කෑල්ල නේ බන් , ඔන්න මං තමයි මුලින් දැක්කේ .උඹ එහෙම එන්න එපා මේකට ලයින් කරන්න."
"ඇයි බොල හිවලෝ තෝ ඒකිව මට කලින් දැක්කේ හීනෙන්ද? මංනේ දැන් තොට ඒකිව පෙන්නුවේ.තෝ ආයෙම නිදාගෙන අර  උඹේ Selena Gomez ට හා කියපිය."
"ඒ කථා අදාළ නෑ එයා මගේ එච්චරයි."
"හාහ්... හා .. පලඩෝ යන්න , උඹ නිදාගත්තටිකේ මං ඒකිට ලයින් පාර දැම්ම දැන් ඒකි මං දිහා හොරෙන් හොරෙන් බලනවා."
"පල පල , කව්ද දන්නේ එකී බැලුවේ නිදාගෙන හිටිය මං දිහාද කියල .අපේ අම්මත් කියනවා නින්දගියාම මං හරි ලස්සනයි කියල."
"ඔව් ඉතිං උනහපුළුවටත් උගේ පැටිය මැණිකක්ලුනේ "
"මොනාද චමිලයෝ උඹ මුමුණන්නේ?"
"නෑ බන් මං මේ අහන්න ගියේ ඒක නිසාද උඹ කොයිවෙලත් නිදියන්නේ කියල ."
"ඒකනිසා නෙවෙයි යකෝ කොයිවෙලෙත් නිදියන්නේ නිදිමත නිසා."
"ඒක නෙවේ බන් සමියෝ එකිත් මං දිහා හොරෙන් හොරෙන් බලනවා. මාත් ටික ටික බැලුව. වැඩේ හරි වගේ බන් "
"උඹට පිස්සුද බන් ? එහෙම කෙල්ලෙක් බලපු පලියට කොහොමද බන් කැමතියි කියල හිතන්නේ? දැන් හැදෙන කෙල්ලොත් අපි වගේම තමා .දකින දකින හැම කොල්ල දිහාම බලනවා."
"හරි හරි බන් මෙකි එහෙම නෙවෙයි.බලපංකො සීදේවි කෙල්ල බන්."
"හරි හරි උඹ දැන් මොකද්ද කරන්න යන්නේ?"
"මං ඒකිට නම්බර් එක දෙනවා."
"ඉතිං දීපන් ,"
"හිටපන් මං කොලයක් ගන්නකම්. වැදගත් නොම්මරනේ බන් මේවා, නොම්මරේ දැක්ක ගමන් කෙල්ල කැමතිවෙනවා."
"ඔව් ඔව් බලන් හිටපන් කෙල්ල කමතිවෙනකම්.මතක ඇතුව උඹේ නමත් ලියපන් චමිල කියල."
"චමිල විතරක් නෙවෙයි බන් චමිල ගුණවර්ධන කියලම ලිව්වා. දැන් කොහොමද ඒකිට මේක දෙන්නේ...."
"නැගිටලා ගිහින් දීල වරෙන් "
"එහෙම දෙන්නත් බැහැනේ "

     මගේ වාසනාවට මෙන් වයසක ආච්චි කෙනෙක් බසයට ගොඩවැදුනි. මම වහාම නැගිට ඇය වෙත මාගේ අසුන පිරිනැමුවෙමි. 
"ඕනේ නෑ පුතේ මං ඊළඟ හෝල්ට් එකේ බහිනවා." නොදකින් විතරක් මේ ගෑනිට සීට් එක දුන්නමත් එපාලුනේ.
"කමක් නෑ ආච්චි වාඩිවෙන්න , ඔය වයසට ටික දුරක් උනත් හිටගෙන යන්න හොඳ නෑ."
කෙසේ හෝ ආච්චීව මගේ ඇසුණේ වාඩිකල මම නැගී සිටියෙමි.එක්වරම ඇය ළඟට ගොස් සිටගැනීම සුදුසු නැත.ටිකෙන් ටික ඇය සිටින දෙසට පිය නැගූ මම බස් හෝල්ට් තුනකට පමණ පසුව ඇය සිටි තැනට යාමට සමත් වුනෙමි.දැන් ඇය බිම බලාගෙනම සිටියි. මා දෙස නිකමටවත් නොබලයි.ටිකක් වෙලා බලාසිටි මම ඇයට තට්ටුවක් දැමුවෙමි.
"ආ නංගි," දෙකට තුනට නැමූ නොම්මරය ලියනලද කොලය මා ඈ දෙසට දිගු කළෙමි.
"මේ මොකද්ද අයිය?"
"ආපදා කළමනාකරණ අමාත්‍යංශේ නම්බර් එක නංගි , හදිස්සියක් උනොත් කථා කරන්න."
මඳ සිනහවකින් මා දෙස බැලූ ඇය සිනහවෙමින්ම කඩදාසි කොලය හෑන්ඩ් බෑගය තුළට දමාගත්තාය.
   ඇගෙන් දුරකථන ඇමතුමක් බලාපොරොත්තුවෙන් මම දින දෙකක් පමණ බලා සිටියෙමි.දින දෙකකට පසු නොදන්නා නොම්මරයකින් දුරකථන ඇමතුමක් ලැබුණි.මෙය නම් අනිවාර්යයෙන්ම ඇයගෙන් විය යුතුය. මම ඉහවහාගිය සතුටකින් යුක්තව එම ඇමතුම පිළිගත්තෙමි.
"හෙලෝ මේ චමිල ගුණවර්ධන අයියද කථා කරන්නේ?"
"ඔව් මම චමිල තමයි කියන්න "
"තොට ලජ්ජා නැද්ද යකෝ දකින දකින කෙල්ලන්ට ෆෝන් නම්බර් දෙන්න . මීටපස්සේ තෝ මගේ කෑල්ලට ලයින් කරලා අහුවුනොත් තෝව පණපිටින් දිව්‍යලෝකේ යවනවා දැනගනින්. උලමා, තෝ &^#^$#@#$^#@....................................."

රජයේ අවවාදයයි : කෙල්ලන් බැලීම හෘදයාබාධ ඇති කරයි.

41 comments:

  1. ubata kochchara kiwwath uba thama number eka denawane bn kellonta.

    ReplyDelete
    Replies
    1. ආපදා කළමනාකරණ අමාත්‍යංශේ එකනේ බන් දුන්නේ

      Delete
  2. Patta machan....Its very funny and Interesting...I read it twice...LOL..

    ReplyDelete
  3. sira ooy :D ඔන්න බලන්න නේද ,,කොල්ලෙක් ඉඳලත් නම්බර් ඒක ගන්න කෙල්ලෝ නේ දැන් ඉන්නේ :p

    ReplyDelete
    Replies
    1. එකනේ අයිය අනේ මන්ද දැන් හැදෙන කෙල්ලොනම් :(

      Delete
    2. හැම කෙල්ලමත් එහෙම නෑ නේද හැබැයි,සමහර අය කොච්චර ඉල්ලුවත් නම්බර් ඒක දෙන්නේ නෑ නේ :D

      Delete
    3. ඔව් ඔව් අපි මේ කථා කලේ නම්බර් එක දෙන එක ගැන නෙමෙයි ගන්න එක ගැනනේ :D

      Delete
  4. අයි.ඩී.එච් එකේ නම්බර් එක එපැයි දෙන්න

    ReplyDelete
    Replies
    1. හදිස්සියට එක මතක් උනේ නැහැනේ

      Delete
  5. කවදා හරි කතා කරයි මලේ, බලාගෙන හිටපන්, ඕක ඔය අරු ඉරිසියාවට කරපු වැඩක් වෙන්න ඇති.

    ReplyDelete
    Replies
    1. ඔව් අයියේ අපිටත් දවසක ඉර පායයිනේ

      Delete
  6. ow putheee ubata lagadima era paaayai :-p

    ReplyDelete
    Replies
    1. හා හා තාත්තේ ඔයා කියනවනම් ඉතිං ලොවෙත් පායනවම තමයි

      Delete
  7. කොල්ල බැන්නට අව්ලක් නෑනෙ මචෝ, හදිසියක් උනොත් උඹේ ලඟ ආපදා කලමනාකරණෙ නම්බර් එක තියෙනවනේ.

    ReplyDelete
    Replies
    1. කොල්ල මට කථා කරෙත් ආපදාවක් කළමනාකරණය කරන්න තමයි. :D

      Delete
  8. පණපිටින් දිව්‍යලෝකේ යන එක ඔයිට වඩා ආතල් නේ බං.. නම්බර් දෙන වැඩේ අත අරින්න එපා..

    ReplyDelete
    Replies
    1. එල එල ට්‍රයි ඇන්ඩ් ට්‍රයි වන් ඩේ යූ කැන් ඩයි

      Delete
  9. Ha....Ha.....Ha......hinath yanawa....eth atta tattwe okai ban......

    ReplyDelete
  10. sira kathawa bn...digatama try karapan...

    ReplyDelete
  11. ah meka etin ubata ara Baddege class yana kale una siddiyane

    ReplyDelete
  12. අඩේ මරු

    ReplyDelete
  13. sathya siduvimak neda?? :P shoooooooiiiii hodei (Y)

    ReplyDelete
    Replies
    1. නෑ නෑ මෙහි ඇති නම් ගම් සියල්ල මන්ක්කල්පිත බව කරුණාවෙන් සලකන්න

      Delete
  14. නියම වැඩේ.......... කෙල්ලෝ ගැන නම් ඉතින් කතා කරලා වැඩක් නෑ....
    මරු කතාව....

    ReplyDelete
  15. අම්ම ගහයි! :D මං තාම කෙල්ලෙක්ට නම්බරේ ලියල චිට් දීල නෑ :3

    ReplyDelete
    Replies
    1. ට්‍රයි කරලා බැලුවොත් නරකද? :D

      Delete
  16. අඩො සිරාම වැඩේ මචං, අපි ඉතින් පුවක් ගහක නැග්ගොත් දෙබලක් , වලක් කැපුවොත් ගෙම්බෙක් නේ!

    ReplyDelete
    Replies
    1. අනිවා මචන් . එකෙන්ම

      Delete
  17. ඔයින් ගියා ඇති අතක් පයක් නොකැඩි බේරිලා

    ReplyDelete
    Replies
    1. ඔව් දෙය්යනේ අද කාලේ ඉතිං අතපය කඩල නවත්තන්නෙත් නැහැනේ

      Delete